Tripura Camp-a awmte E. Roll Verification duh lovin MZP in kawng an zawh dawn

Mizo Zirlai Pawl (MZP) Headquarters Kolasib chuan Kolasib District Election Officer (DEO), Dr. Arun T. hnenah Bru te tlai khawhnu-a Electoral Roll a an luh theihna tura anmahni awmna hmun, Tripura-ah kalchilha enfiah an ngiat chu an duh loh thu thlenin Vawiin hian Kolasib-ah kawngzawh neih an tum.

Hemi chungchanga thuchhuah an siamah MZP Hqrs. Kolasib chuan Mizoram-a lokir duh lo Bru te chu Electoral Roll Revision neih zawh taka Hearing neihna ah an inlan loh avangin an dilna hi hnawl a ni tawh tih tarlangin, mahse DEO lamah complaint an neih leh avangin tlai khawhnuah Electoral Roll-a an luh theihna turin anmahni awmna hmun Tripura-ah kalchilhin verification neih duh thu an thlen tih an sawi a. Tripura-a awm Bru te chu sawrkarin an lo let hun a siamah pawh lo kir duhlo an nih thu sawiin, hei vang hian Electoral Roll-ah an awm ve hi MZP chuan \ul an tih loh thu an District Election Officer hnenah hian an thlen bawk a ni.

Hetihlai hian Kolasib District Election Officer, Dr. Arun T. chuan he hmalakna hi Election Commission of India a\anga an thu hmuh anga verification hi kalpui mai an nih thu a sawi a, a tihtheih bak a nih thu leh a thuneitu sang zawk, Election Commission hotu lian ten naktuk mai-a Mizoram an rawn tlawh hunah hemi chungchang hi lo thlen turin MZP hruaitute chu a hrilh a ni.

MZP Headquarters Kolasib chuan Mizoram a\anga mahni duhthu ngeia tlanchhia, Tripura-a awm Bru te chu sawrkarin vawi tamtak an lo kir theihna turin hma a la tawh a, mahse an lo kir duh leh \hin siloh avangin inbuatsaihna pawh thui tak kalpui hnuah a thlawn fo \hin tih an sawi a. Tun \umah pawh an lo kir theihna turin sawrkar laipui, Tripura sawrkar leh Mizoram sawrkar bakah Mizoram Bru Displaced People Forum ten inremna an neih vek tawh hnuah an thu zuka lokir leh duh lo an ni tih sawiin, hei vang hian Mizoram mi leh sa ni duh lovah ngaiin, Electoral Roll-ah pawh an awm ve hi \ul an ti lo tih an sawi bawk.

Hemi chungchanga lungawilohna lantir nan hian Vawiin Chawhma dar 11:00 a\angin Govt. Kolasib College kawt a\anga DC Office kawt thleng MZP hian kawngzawh an tum bawk.