Serchhip District-ah MCC bawhchhiatna la awmlo

Assembly inthlanpui neih tur atan Serchhip District-ah inbuatsaihna ngawrh taka kalpui mek niin nimin thleng khan Model Code of Conducts (MCC) bawhchhiatna thleng ala awmlo.

Assembly inthlanpui neih tura Election Commission of India in Political Party, Candidate leh rorellai Party ten an zawm ngei ngei tur, Election Model Code of Conducts (MCC) a siam bawhchhiatna kaih-hnawih ah hian nimin thleng khan Serchhip-a Election Office chuan Complaint 155 zet dawng tawhin heng te hi enfiah a nih hnuah MCC bawhchhiatna thleng ala awm lo a. Heng MCC chungchanga complain dawn te hi NEDP hnuaia hmalakna kaihhnawih deuh vek niin NEDP hnuaia hmalakna kalmek hna 145 te chu chhunzawm a nih lohna tura hmalak sak tura ngenna a awm a, hei hi sawrkar Department-a thuneitu ten enfiah tura tiin VLMC ten an enfiah hnuah heng hna te hi \an hman a nih tawh avangin MCC bawhchhiatna a awmlo nia hriat a ni a. Hei bakah hian Chhiahtlang-a NEDP hnuaia hna 4 leh New Serchhip-a hna pakhat te pawh enfiah ni tawhin MCC bawhchhiatna a awmlo tih finfiah a ni bawk.

Hei bakah hian Leng khuaa MP/MLA Fund hmanga hnathawh mek pawh enfiah tura tih niin hetah pawh hian MCC bawhchhiatna a awmlo nia thudawn a ni bawk a, tun thlenga hna kalmek enfiah tawh 155-ah te hian MCC bawhchhiatna ala awmloh thu Election Office a\anga kan thudawn chuan a sawi a ni.