Tripura Camp-a awm ten sawrkar laipui an ngen

Tripura Bru Relief Camp 6-a Mizoram Bru Displaced People Coordination Committee hruaitute chuan tunhnai khan Naisingpara Executive Committee Meeting neiin sawrkar laipuiin an Ration leh sum lama \anpuina tun thla tir a\anga a tihtawp sak chu pe chhunzawm leh turin an ngen.

Hemi chungchanga thuchhuah an siamah MBDPFCC chuan kumin July ni 3-a New Delhi-a sawrkar laipui, MBDPF, Mizoram sawrkar leh Tripura sawrkar aiawhten Mizorama an letna tura inremna an siam chu an pawm loh thu sawiin, kha inremna thu ziah kha Social Media a\anga an hriat veleh lungawilohna an lantir \an nghal niin an sawi a, sawrkar a\anga an thilphut tih hlawhtlin a nih hma chuan Relief Camp an chhuahsan dawn lo tih sawiin, an thilphut chi hrang hrang an tarlang nawn leh a, chungte chu Mizoram chhungah Bru te tan Area Development Council dinte, leilung tlawhchhana chhungkaw tin eizawnna atan ram hectare nga (5) \heuh pekte, Mizoram-a an let huna khaw khata In tam tawk awmna tur Model Village din te leh anmahni \anpuina atana sawrkar laipuiin chhungkaw tin tan cheng nuai 4 pek a remtih chu Camp an chhuahsan hma ngeia anmahni pek te a ni.

Hetihlai hian Mizoram Bru Displaced People Forum chuan Prime Minister, Narendra Modi leh Union Home Minister, Rajnath Singh-a te hnenah lehkha thawnin Bru Relief Camp hrang hrang paruk (6)-a awmte Ration leh \anpuina sum pek \hin tun thla ni 1 a\anga tihtawp tak pe chhunzawm leh turin an ngen a. An lehkha thehluhah chuan ration leh \anpuina sumfaia pek \hin, Cash dole tihtawp a nih avangin Bru Camp-a awm mipuiten harsatna an tawk \an niin an sawi a, Mizoram Bru te Mizorama hruaikir lehna tura hun ruat a ral hnuah inthlanpui zofelin Mizoram mi hruaikir hna chu chhunzawm leh an rawt bawk.