Ranvulh \anpuina sem

Serchhip-a AH&Vety Department chuan nimin khan NLUP-NEDP Convergence Scheme Phase III hnuaiah ran vulhtute hnenah \anpuina sum a thawhkhatna atan an semchhuak.

Serchhip P&E Veng YMA Hall-a \anpuina semna puala inkhawm neih hi Serchhip DVO, Dr. C. Zarzokima chuan kaihruaiin he \anpuina an sem theihna tura sawrkar hmalak dan te a sawi a, hemi hnu hian ranvulh thlangtute tana ran In sak dan zirtir lehin Serchhip-a JVEO, C. Biakchhawna chuan \anpuina dawngtu te tana hmalak dan tur, Calendar of Works chu a hrilhfiah bawk a ni.

NLUP-NEDP Convergence Scheme Phase-III hnuaiah hian Serchhip District chhungah Bawnglian vulh thlangtu mi 14 leh Tlang Bawng thlangtu mi 17 an awm a. Sial vulh thlangtu mi 26, Vawk vulh thlangtu mi 242, Ar vulh thlangtu mi 190 leh Kel vulh thlangtu mi 3 an awm a, an vaiin beneficiary 492 an awm a ni. |anpuina sum 1st Installment sem chhuah zawng zawng hi Rs. 2,41,80,000 niin, beneficiary te Bank Account-ah dahluh sak niin \anpuina dawngtute hi \ha tak leh dik takin an hmang dawn a ni tih intiamkamna leh APR ziah tir vek an ni.