Latest News

Serchhip-ah Northeast Yatra for Lifestyle (Life) nei mek

Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.

IGNOU Induction Service neih a ni

Govt. Serchhip College-a Indira Gandhi National Open University (IGNOU) Study Centre chuan Inrinni khan Induction Service an hmang.
He Induction Service hi C.Laldintluanga, Associate Profesor Govt. Serchhip College chuan kaihruaiin IGNOU chu India rampum ah Central Sawrkar ruahman Zirna \ha tak, Cerificate, Doploma a\anga Master Degree thleng neih theihna a nih thu a sawi a, a Course hi India ram mai nilo, khawvel ah pawh zahpui awmlo a ni tih sawiin, Zirlaite pawhin Certificate neih nan ringawta ngai lova, Certificate  phu tawk thiamna nei ngei turin a chah a, mi \henkhat admission la ve ngawt tih \hat tumlo leh Exam-na ah pawh felfai lo taka tih tum nghal ringawt an awm \hin chu thil diklo a nih thu a sawi a, Exam conduct chungchang ah pawh an strict hle tawh tiha  sawi bawk.
He hunah hian K. Laldinpuii, District Coordinator pawh in thu sawiin IGNOU a\anga BA chhuak te chu hmundang ah pawh zir zawm duh se Seat an hmu ngei ngei \hin a, Serchhip a hetiang zirna kan nei hi a lawmawm hle a, \halai tam zawk regular a kal thei tawhlo te leh \halai tam zawk hian kan chhawr \angkai thiam a \ul thu a sawi bawk.
Tun dinhmun ah India ramah IGNOU hnuaia zirlai million 3 vel awmin, Mizoram-ah zirlai 6000 vel an awm mek a, Certificate Course leh Diploma leh BA chin te Free Admission niin MA chin ah Admission chawi tur a ni a, Fee re-imburse leh vek tur an ni.

Comments

Popular News (Last 30 Days)