Latest News

Beti Bachao Beti Padhao Programme hawnna Serchhip-ah Bawrhsap hova neih a ni

Nimin khan Serchhip DC Conference Hall-ah Serchhip District tana ‘Beti Bachao Beti Padhao Programme’ (BBBP) hawnna neih a ni a, Serchhip District Bawrhsap, Sangchhin Chinzah chu khuallian niin he Progrmme hi a hawng a ni.
Ministry of Women & Child Development, Govt. of India hnuaia India rama kalpui, 'Save the Girl Child, Educate the Girl Child Programme' (fanute chhanhimna & inzir puitlin tirna Programme) hi a thawh hnihnaah Serchhip District-a kalpui ve tura tih a nih angin, District Task Force din a ni a, chu Task Force chuan Action Plan siamin, Action Plan chu Central lamin an rawn pawm sak a, Programme atana Fund an dah cheng nuai 50 a\angin a zatve, cheng nuai 25 an rawn pechhuak nghal a. Chumi hmang chuan Serchhip District-ah Hmeichhe naupangte venhim, zirtir leh hmeichhiate chawisan (empower) a \ulna Campaign chi hrang hrang hmalakna chu kum2018-19 chhung hian an kalpui dawn a ni.
He programme hawnna inkhawm Serchhip DC’s Conference Hall-a neih ah Bawrhsap, Sangchhin chuan, India ramah State tam takah, hnam tam takin hmeichhe fa an duh lohva, an pian hmaa tihtlak mai mai an chin avangin vawiin ah chuan nupui tur pawh an indaih tawh lova. Human Trafficking thlengin a hring chho mek a ni, a ti a. Mizoram chu kan dinhmun a \ha a, amaherawh chu kan inhrilh thara kan fanute zirna lamah te, kawng dang dangah kan chher sauh sauh zel a ngai a ni, a ti.
He hunah hian Khuallian hian BBBP Serchhip District Cartoon tlangzarhna a nei a, District chhunga Sub-Centre thlanchhuah 7, PHC hlat zualte hnenah nau neihna/nau chharna hmanrua semin, Serchhip khawpui chhung MHIP Branch hrang hrang 17 te hnenah naupuan set hnih \heuh a hlan nghal bawk a. MHIP te hian an Branch huamchhunga hmeichhe naupiangte chu naupuan hian an lo lawmin an lo pawm a ni tih entir nan an lo en \hin dawn a. District chhunga MHIP zawng zawngte naupuan hi pek vek tur a ni.
Nimin a BBBP Kick-Off Programme hi Dr. Laldawngliana Sailo, CMO Serchhip chuan kaihruaiin Lalhruaitluanga, MCS Nodal Officer BBBP chuan BBBP sawifiahna a nei a. He Programme Local Champion atana thlan, Lalrampari, Chief Coach, Hockey Academy, Thenzawl chuan fuihna thusawina hun a hmang bawk.

Comments

Popular News (Last 30 Days)