Chief Secretary in ‘Mizoram Election E-Atlas Portal’ hman theih turin a hawng

Mizoram Chief Secretary, Arvind Ray chuan nimin khan Aizawl-a Chief Secretary Conference Room-ah ‘Mizoram Election E-Atlas Portal’ chu a taka hman theih turin a hawng.
Mizoram Election E-Atlas Portal hawnna hunah hian Chief Secretary chuan kumin Mizoram Legislative Assembly inthlan lo awm tur atana inbuatsaihna leh inthlan hun thleng pawha \angkai tur Election E-Atlas Portal chu hman theih tura MIRSAC leh NESAC te’n an buatsaih avanga lawmawm a tih thu a sawi a. Tunlai thiamna Geographic Information Systems (GIS) hmanga sawrkar hna leh inrelbawlna awlsam leh chak zawka kalpui theih a nih tak thu leh chu chuan ram hmasawnna tam tak a thlen theih thu sawiin, chutiang a nih avang chuan hetiang lama thiamna neih leh hman \angkai a pawimawh thu a sawi a. Chumi rilru pu chunga Mizoram Election E-Atlas Portal buatsaih leh a taka hman theih a ni ta chu kan hma lawka inthlan lo awm tur atan mai bakah hun lo kal lehzel tur atan ram leh hnam tan rah \ha tak chhuah se a duh thu a sawi a. Tun inthlan lo awm tur a\anga sawrkar hnathawk te leh inthlan buaipuitu zawng zawngte chu \ha taka an mawhphurhna hlen tura ngenin duhsakna a hlan bawk.
He hunah hian Additional Chief Electoral Officer, Krishna Mohan Uppu pawhin thu sawiin tun MLA inthlan lo awm tur atana inbuatsaihna kalpui a nih dan tlangpui a sawi a. Hetianga GIS thiamna hmanga MIRSAC leh NESAC bultuma Mizoram Election E-Atlas Portal buatsaih leh hman theih a ni ta chu lawmawm a tih thu a sawi a. He Portal hmang hian felfai zawk leh rang zawka inthlan buatsaih leh kalpui theih ngei a rin thu a sawi bawk.
He inkhawm hi Dr. RK. Lallianthanga, Chief Scientific Officer leh Member Secretary, MIRSAC chuan a kaihruai a. Hmalak dan report tlangpui pein Mizoram Election E-Atlas Portal hi Mizoram Remote Sensing Application Centre (MIRSAC) leh North-Eastern Space Application Centre (NESAC) \angkawpin kumin kumtir lam a\anga an buatsaih \an a nih thu a sawi a. He portal hi tunlai thiamna sang Geographic Information System (GIS) hmanga kan hmaa inthlan lo awm tur atana a \angkai thei ang ber tura duan a nih thu a sawi a. He web portal hi a tirah sawrkar Official tan chauha hman tura duan a ni a. Amaherawh chu mipui vantlang tan pawh tlawhpawh (access) theiha buatsaih a nih thu a sawi a. R. Lalfamkima, Scientist, MIRSAC leh Nilay Nishant, Scientist/Engineer ‘C’ NESAC te chuan he portal hi a taka a hman dan tur a lem nena entirin an sawifiah bawk.

Popular posts from this blog

PAN CARD an tih teh fo hi - Laldinpuia