Serchhip-ah RTI Week hmangin \angkai zawka RTI Act hman dan tur zirho

Ramchhunga Right to Information (RTI) Week hman mek pualin nimin khan Serchhip-ah RTI Week hman a ni a, he hun hi Serchhip District Bawrhsap, Sangchhin Chinzah chuan khuallian nia hmanpuiin he hunah hian RTI Dan hmang tura hriattur pawimawh hrang hrang zirhona neih nghal a ni.

Serchhip DC’s Conference Hall-a RTI Week puala hun hmanah hian khuallian Serchhip District Bawrhsap, Sangchhin Chinzah chuan khua leh tui ten sawrkar hmalakna hrang hrang an hriat ve vek theihna chanvo petu RTI Act kan nei chu kan vannei hle tih sawiin, mipuite tan mai pawh nilovin sawrkar hnathawk te tan hlei hlei a \hat thu a sawi a. RTI Act chu tunah hian ram mipuiten kan la hmang \angkai tawk lo a nih pawhin kan changkang tial tial anga, kan chanvo hriat duhna a pung tial tial anga, kan la hlut chho tial tial dawn a ni, a ti. Bawrhsap chuan RTI Act hriatna kawngah SPIO leh SAPIO te pawh an intuaithar reng a \ul thu sawiin, tuna RTI Week, 2018 an hman pawh RTI dan hrang hrangte inzirtharna ni \angkai tak a nih a beisei thu leh chutiang taka hman tum \heuh turin kalkhawmte a chah a ni.

He hun kaihruaitu Serchhip DIPRO, K. Saitluanga chuan Sawrkar hmalakna te chu RTI Act Section 4 chuan a hranpaa zawh kher ngai lova \ha taka lo phochhuah mai a phut tih sawiin, Mizoram Information Commission pawhin hei hi a ngai thu tak hle tih a sawi a. He Act in a phut anga SPIO leh SAPIO inruatna lamah Officer transfer te aiawhtu tur inruat thar zung zung a \ul hle nia a hriat thu te a tarlang bawk.

RTI Week hman ah hian Resource Person atan Ngurthansanga, MCS, SDC Serchhip leh C. Lalduhzuali, MCS, Settlement Officer, Serchhip te hman niin Ngurthansanga, MCS, SDC Serchhip hian RTI hmanga zawhna zawh dan tih thupui hmangin RTI hmanga zawhna zawt turte tana hriat tur pawimawh hrang hrang a sawi a. C. Lalduhzuali, MCS, Settlement Officer, Ser-chhip-in RTI zawhna chhan dan SAPIO/SPIO etc. te mawhphurhna tih thupuia hmangin a lem nena entirin zirtirna a pe bawk a, zawhna leh chhanna hun hman zui leh a ni.

Nimin a RTI Week hmanna ah hian sawrkar Department hrang hranga SAPIO leh SPIO te bakah tlawmngai pawl aiawhte, Village Council aiawh te leh thuthar lakhawmtute an tel a ni.