YMA Rorel Inkhawm vawi 2-na neiin Kumpuan atan ‘Ram leh Hnam humhalh’ thlan a ni

YMA General Conference neihloh kuma neih \hin, YMA Rorel Inkhawm chu a \um hnihna atan nimin khan Aizawl Vanapa Hall-ah neih a ni a, he huna ngaihtuah tura Agenda chhawpchhuah hrang hrangte chu bawhzui tura pawm niin YMA Kumpuan atan ‘Ram leh Hnam humhalh’ chu thlan a ni.

Nimin a YMA Rorel Inkhawm Aizawl Vanapa Hall-a neih hi Central YMA President, Vanlalruata chuan kaihruaiin kum kalta chhunga YMA Member boral mi 810 te sunna hun hmangin General Secretary, Lalhmachhuana hnen a\angin report ngaihthlak a ni a. Fabian Lalfakawma, Finance Secretary, Central YMA chuan kum 2017-2018 chhunga Central YMA sum dinhmun tarlangin Rs. 5,15,42,164.88 hmuh a nih laiin Rs. 3,32,40,955.80 hmanral a ni a. Tunah hian Rs. 1,83,01,209.08 an nei mek a ni.
Hemi hnu hian Agenda chhawpchhuah 10, YMA khawih 7 leh Sawrkar khawih 3 te chu sawiho niin 9 te chu pawm niin pakhat chu Central Executive Committee (CEC) bawhzui tura dah a ni a. Agenda an pawm te hi YMA Khawih-ah Mizorama Kohhran hrang hrangte nen ram leh hnam humhalhna kawngah thawhhona leh inpumkhatna \ha zawk kan neih theih nan Central YMA in hma la rawh se tih te, Thingtlang lama zirna alo \hat zawk theih nan Central YMA in hma la rawh se tih te, Mizo \awng humhalh kawngah Central YMA in hma la rawh se tih te, Zu leh Ruihhlo do kawng ah tun aia nasa leh chak zawka Branch tin ten hma kan lak theih nan Central YMA in hma la rawh se tih te, Sawrkar a\anga Development Fund hna thawh (ie.Link Roads, BADP, NEDP and Other constructions) hi tun aia \ha zawka an thawh theih nan Central YMA in hma la rawh se tih te, Mipui ten Retion Buhfai leh Gas buk leh tlinga kan lak theih nan Central YMA in chak leh rualkhai zawk in hma la rawh se tih te a ni.
Sawrkar khawihn Agenda an pawm te hi Mizo hmeichhia ten hmandang pasal (Tribal in Non-Tribal) an neihin Schedule Tribe Stutus hlihsakna tur Social Costom Bill Mizoram Legislative Assembly a pass anih theih nan Central YMA in hma la rawh se tih te, National Register of Citizens (NRC) hi Mizoram-ah kalpui ve ni rawh se tih leh Champhai -Tahan (Myanmar) Bus Service tir turin Sorkar in hma la rawh se tih te a ni a. Mizo hnam incheina hi dan anga Patent tura hma la rawh se tih chu CEC bawhzui tura dah a ni thung.
Nimin a YMA Rorel Inkhawm hian  'Ram leh hnam humhalh' tih chu YMA Kumpuan atan an pawm a, kum 2018-2019 Central YMA Budget ruahman Rs. 1,45,12,600 chu an pawm bawk.
Mizoram-a tlawmngai pawl lian ber YMA-ah hian Member mipa 254,944 leh Hmeichhia 172,449, an vaiin Member 427,393 an awm mek a, Life member 10,631 awmin Mizoram chhung leh pawnah Branch 804 awmin Sub-Hqrs. 5 Group 47 a nei mek a ni.
Mizoram-a tlawmngai pawl lian ber YMA-ah hian Member mipa 254,944 leh Hmeichhia 172,449, an vaiin Member 427,393 an awm mek a, Life member 10,631 awmin Mizoram chhung leh pawnah Branch 804 awmin Sub-Hqrs. 5 Group 47 a nei mek a ni.

Popular posts from this blog

PAN CARD an tih teh fo hi - Laldinpuia