Hmun hrang hrangah Upate Ni hma a ni

Nimin October 1, 2018 khan khawvela Upate ni, International Senior Citizen Day anih angin Mizorama Upa Pawl (MUP) te chuan an Unit hrang hrangah hun an hmang.
MUP General Hqrs. buatsaihin Sateek Middle School-ah he Ni pual hian hun hman niin he hun hi MUP General Hqrs. President, RK. Thanga chuan a hmanpui a, Mizoram chhunga MUP dinhmun sawiin kumin a phu tawh anih chuan, Tar pawl mai mai ti lova telvek turin a sawm a, kum lama upa deuh pawh malsawmna an dawn avangin tel hram hram zawk tur a nih thu a sawi bawk.
Aizawl West-II MUP in Vaivakawn YMA Hall-a he Ni puala hun an hman chu bialtu MLA, Lalruatkima chuan hmanpuiin, Upa te chu sawrkar pawhin a ngaipawimawh hle tih a sawi a, sawrkar laipui in an puala ruahmanna \ha tak a siam, Indira Gandhi National Old Age Pension Scheme kaltlangin upate tan an mamawh angte an lei ve theihna turin Bank account kaltlang pawisa a pe \hin chu lawmawm a tih thu a sawi bawk.
United Nations International Day for Older Persons thil tum ber chu kum upa-te hlutna hriatchian leh an nun khawihtu thil chi hrang hrang zirchian a ni a, kumina he ni thupui atan 'Celebrating Older Human Rights Champions' tih hman a ni. United Nations tarlan danin, tun dinhmunah mi maktaduai 700 \helh chu kum 60 chung lam an ni a, kum 2050-ah chuan khawvel mihring zaa 20 aia tam, tluklehdingawn 2-te chu kum 60 emaw a aia upa emaw ni tura chhut a ni.

Popular posts from this blog

PAN CARD an tih teh fo hi - Laldinpuia