PYD Social Work Day

UPC (NEI) chuan hnuaia Penticostal Youth Department (PYD) te chuan kumdanga an lo tih tawh \hin angin nimin khan Vantlang tana thil \ha tihna Ni, Social Work Day an hmang a, Serchhip-a PYD Member te pawhin nileng hnatlang neiin hun an hmang.

UPC (NEI) PYD te hian kum 1999 a\ang khan Social Work Day hi kumtin October 2-a hmang \hinin nimin khan Mizoram hmun hrang hrangah he Ni hi hman a ni a. PYD Serchhip Pastor Bial chuan Serchhip Auditorium leh a chhehvel thenfai hnatlang neiin he hnatlang hawnna hun hi bialtu Pastor, Rev. B. Lal-engzauva chuan a nei a, PYD member ten Vantlang tana thil \ha tihna Ni an hman Ni chauh chu Vantlang tana an inpekna Ni a ni lo tih sawiin, he Ni hi a huhova hma an lakna Ni chauh a nih thu a sawi a. He Ni hi kumdang ah te pawh hlawk taka an lo hman tawh \hin thu a sawi bawk.

PYD Serchhip Pastor Bial huamchhung ah hian Local 6 awmin heng zinga pakhat hi Serchhip khaw pawna awm niin nimin hnatlang ah hian khawchhunga Local 5 a\angin PYD Member mi 100 chuang zet an hnatlang a ni.

UPC (NEI) Serchhip Dinthar Local PYD te pawhin nimin khan Social Work Day hi hmangin Serchhip khawpui chhunga National Highway-54 kawng chhia siam\hat hna an thawk a, he hnatlang hawnna hun hi Dinthar Local PYD-a President, Thangluaia chuan neiin hetianga Social Work Day an hman \hin chhan te sawiin, PYD Member te chu midangte tana mal-sawmna nih tum zel turin a chah bawk. He hnatlang ah hian mi 50 vel thawkin Serchhip Tuikhuah Veng-a NH-54 kawngpui kumin a tla-hniam avanga lirthei tana kal harsa chu siam\hat a nih bakah Lung lei belhin kawng khuar zualpui te pawh an hnawh a, hei bakah hian kawngpui dung an phiatfai bawk a ni. Serchhip Dinthar Bial PYD te hi khaw hrang hranga awm an nih avangin Bial huapa hun hmang lovin Dinthar Local hian anmahni remchan angin an hmang a ni.