Tuesday, 9 October 2018

Inter-Branch YMA Volleyball Tournament khel \an

Serchhip Sub-Hqrs. YMA buatsaih C. Laltea Memorial Inter-Branch YMA Volleyball Tournament vawi 3-na chu nimin khan Serchhip-a Leisekawt Mual-ah khelh \an a ni a, tunkar Zirtawpni khian zawhfel a ni ang.
Serchhip Sub-Hqrs. YMA buatsaih C. Laltea Memorial Inter-Branch YMA Volleyball Tournament hi he Tournament a lawmman tumtu, C. Lalramzauva, Sr. Advocate chuan hawngin |halaite chu Zoram hmachhuan leh hma kan sawnna tura kan hma-chhuan te an nih thu sawiin, tunhnai kum 2/1 a chhunga mitthi zingah \halai tam tak an awm chu pawi a tih thu leh zu leh ruihtheih thil laka \halaite chhanhim chu he Tournament in a tum ber pakhat a nih thu a sawi a. Volleyball khelh chu hriselna atana thil pawimawh tak a nih rualin nuam kan tihna leh insawizawina atana a \hat mai bakah eizawnna atan pawh thil pawimawh tak a nihna a lan zel tawh thu a sawi bawk.
He Tournament hawnna inkhawm Sub-Hqrs. YMA Sports & Recreation Committee Chairman, Zomuana Hnamte kaihhruai a neih ah hian Sub-Hqrs. YMA President, R. Sang-hmingthanga chuan inlawmna thu sawiin Sports & Recreation Committee Secretary, Kaptluanga Ralte chuan he Tournament an buatsaih dan report a pe a. Technical Committee Secretary, C. Laldinpuia kaihhruaina hnuaiah Team tel ten thutiam lakna an nei bawk.
Kum 2014 a\anga khelh C. Laltea Memorial Inter-Branch YMA Volleyball Tournament hi Sub-Hqrs. YMA Conference rorel in a pass anga neih niin kum khat dana khelh \hin a ni a, kum 2014 leh 2016-ah te khelh a lo ni tawh a, kumin ah hian Branch 29 a\angin Mipa-ah Branch 27 leh Hmeichhia-ah Branch 20 an tel a. Branch hrang hrangte hi Pool hrang hrangah \hen darh niin Leisekawt Mual-a Volleyball Court siam hrang hrangah khelh a ni dawn a, tunkar Zir-tawpni khian Final khela zawhfel hman tum a ni.

Latest News

Central YMA Inthlan thuchah

CENTRAL YOUNG MIZO ASSOCIATION MIZORAM : AIZAWL INTHLAN THUCHAH 2018