Latest News

TDS chungchang zirho

Taxation Department, Serchhip Zone buat-saihin nimin khan Serchhip District-a Drawing and Disbursing Officer (DDO) te tan Tax Deduction at Source (TDS) chungchang zirhona buatsaih a ni.
Serchhip CMO Conference Hall-a Tax Deduction at Source (TDS) zirhona hi Deputy Commissioner of State Tax, Serchhip Zone K. Lalrohluna chuan kaihruaiin he hun rawn hmanpuitu Additional Commissioner of State Tax, Kailiana Ralte chuan rampuma Chhiah lak dan tur nikum July 1 a\anga hman GST chu ram-puma State dinhmun inanglo tak takah te a inang veka hman a nih avangin thil buaipui ngai ta tak a awm thu leh Dan awmsa pawh sam\hat ni fovin tun thlengin hemi chungchanga rampum huap Meeting pawh thlatlin la neih a nih thu a sawi a. GST chu kalphung thar a nih avangin Taxation Department-a thawk te ngei pawhin an la zir chawp mek a nih thu leh India ramah State dangte nena khaikhin pawha a hnufum bik State kan nih loh nan theihtawp chhuah tlan a \ul thu sawiin, he ruahmanna ah hian engkim Online hmanga tih vek a \ul avangin Internet chungchangah pawh harsatna a awm thu a sawi a, amaherawh chu he ruahmanna hi Mizoram tana thil \ha tak a nih thu a sawi bawk.
He training-ah hian Serchhip District chhunga sawrkar Department hrang hrangte a\angin Drawing and Disbursing Officer (DDO) te telin Philip Lalhotuliana, State Tax Officer, Serchhip Zone chuan Tax Deduction at Source (TDS) chungchang a lem nen entirin zirtirna a pe a, kal-khawm te a\angin zawhna awm te chhan niin H. Vanlalsanga, Assistant Commissioner of State Tax, Serchhip Zone chuan lawmthu sawina neiin hun a khar a ni.

Comments

Popular News (Last 30 Days)