Poshan Maah (Nutrition Month) hman chhungin Mizoram in lawmman hrang hrang a dawng

Poshan Abhiyaan (National Nutrition Mission) hnuaia Poshan Maah (Nutrition Month) hman zawh takah Mizoram-a Anganwadi Centre leh ICDS-a thawk te chuan lawmman chi hrang hrang an dawng.

Social Welfare Department in a kalpui mek Poshan Abhiyaan (National Nutrition Mission) hnuaiah hian September thla khan Poshan Maah (Nutrition Month) chu hman a ni a, hemi chhunga intihsiakna chi hrang hrang neih ah Mizoram-a SWD hnuaia thawk te chuan N.E. and Hill States (Arunachal, Meghalaya, Mizoram, Manipur, Sikkim, Nagaland, Uttarakhand, Himachal & Jammu & Kashmir) te zingah lawmman chi hrang hrang hi dawngin heng lawmman te hi nimin khan Social Welfare Department Director, Laldikkimi chuan Ashoka Hotel, New Delhi-ah Dr. Rajiv Kumar,Vice Chairman NITI Aayog hnen a\angin a dawng a ni.

He Award hi chi thum (3)-ah \hen niin Field Functionary Award hnuaia Anganwadi Worker, ASHA leh ANM a\anga Individual Excellence Award chu C. Lalremsiami, Tuipuibari, W. Phaileng ICDS Project leh Lalthlamuani, Anganwadi Worker Kolasib, Thingdawl ICDS Project ami ten dawngin Anganwadi Worker, ASHA leh ANM inkawp \ha berte hnena pek, AAA (A++) Award chu Tlanghmingliani AWW, Lalngaihzuali ASHA leh Lal\huampuii ANM Ngopa ICDS Project ami ten an dawng a. Village Convergence Award chu Lalrinpuii, Seldingpuii, Ramengmawii leh Lalmuansangi W. Phaileng ten an dawng a. Block Level a ti\ha-te hnena pek, Leadership Award chu W.C. Zorammawii, CDPO Champhai ICDS Project in a dawng a. State Level Award chu chi li (4) zingah Mizoram hian Maximum Reach across all Themes ah lawmman a dawng bawk a ni.

Social Welfare Department hotute chuan heng Award hrang hrang an dawn te hi an Department chauhin hma an lakna avanga dawng thei an nih loh thu sawiin, Health Department-te leh MzSRLM- te nena thawhhona \ha tak an neih avanga dawng an nih thu an sawi bawk.