Minister in lungphum phum

Health Minister, Lal Thanzara chuan nimin khan Mizoram Institute of Medical Education & Research, Falkawn-ah New Academic Block, Director’s Quarter leh Ladies & Gents Hostel thar sakna tur Lungphum a phum a.

He hunah hian Health Minister chuan Medical College hmasawnna turin a ruangam pawimawh tak tak sak belh zel a ni tih sawiin, Medical College hi Sawrkar ta ni mahse a chhawrtu leh neitu chu mipui kan nih thu sawiin, “Kan hmabak kan kalkawng zawh tur hi a la thui hle a, endiktute duhdan leh tih tur min tukte hi kan puitlin zel a la ngai dawn a. ‘Medical College kan din tawh,’ tiin tha kan thlah mai tur a ni lova, chawl lovin hna kan la thawh zel a ngai dawn a ni,” a ti bawk. MIMER a New Academic Block hi M/S MP Khaitan ten Hospital Services Consultancy Cooperation (HSCC) hnuaiah an sa mek a, Director Quarter hi TBL Architectural Consultant in sain Ladies and Gents Hostel hi Zothantluanga Consultancy Service ten an sa bawk ang.