ZPM in hlawkpui tih sawi

ZPM Chief Ministerial Candidate, Lal-duhoma chuan MNF in mithar an lawmluh apiangin ZPM in hlawkna an tel zel niin a sawi.
Nimin-a Aizawl East-I Workers' Meet, Sihphir Community Hall-a neihah ZPM Chief Mnisterial Candidate, Lalduhoma chuan Saitual MNF Block leh Thingsul MNF Block te chuan ziak meuhin an bial ding tura Bialtu MLA, R. Lalzirliana an duhlohna ziakin an lantir nia sawiin, “MNF hi Bial tam takah an in set hlum mek a, bial lo vil mektute hnawlin Candidate tur midang an dah hi an chhiat-pui mek a, an luahlante leh anmahni \antute rilru na in an siam a, MNF in mithar an lawmluh apiangin ZPM in a hlawkna kan tel zel a ni,” a ti.
Lalduhoma chuan tunah pawh hian heng rilru na te hi ZPM in sengkhawm hna an thawk \an dawn tih sawiin, “Party 3 inkawp pawha MLA 5 chauh nei thei MNF hi 2018 inthlanah hian an mal \an dawn a, MLA 5 an neih theih nana vote tute kha ZPM ah an tel vek tawh a ni. A neih phu loa a hauhsak avanga thubuai nei leh Anticipatory Bail ak chunga campaign mek hi Mizoram sum enkawl tura rin a hlawh tawh lo a, chuvangin Aizawl East-I mipuite hian vote tur dik in hriat ka duh tak zet a ni,” a ti bawk.
ZPM a\anga he Bial viltu Pu K. Sapdanga, Leader ZPM General Headquarter chuan "Aizawl East-I Constituency hi hun rei tak chu Ruling Party MLA bial kan lo ni tawhin Aizawl hmingpu Constituency-ah rau rau chuan rethei tamna ber kan ni. Taima ber bial, hnathawk nasa ber bial kan ni a. Heng kum rei tak chhung hian kawngpui \ha in-a a tlawhpawh loh khua leh veng tam tak kan la nei a. ZPM hian Pathian leh mipuite zarah sawrkarna kan chan chuan kawngpui \ha neiin tui thianghlim hnianghnar kan nei ang a. Bial hmasawn ber leh changkang ber bialah kan siam ang. Mipuite'n kan huam a nih chuan hma ka hruai zel dawn a ni" a ti bawk.

Popular posts from this blog

PAN CARD an tih teh fo hi - Laldinpuia