Doctor pek vangin zirlai ten nawrh titawp

Champhai MZP Hqrs. chuan sawrkar in Champhai District Hospital-a Eye Specialist a pek tak avang leh Ruh lam thiam Specialist remchang hmasa bera pe tura inremna an ziah theih tak avangin an nawrhna an titawp tih an sawi.

Specialist Doctor ngiata nimin a zirlaite’n Champhai-a kawng an zawh hnuah Mizoram sawrkarin Aizawl Civil Hospital-a Opthalmist, Dr. Zosangzuala chu Champhaia dah tura hriattirna a tichhuak chu lawmawm an tih thu sawiin Champhai MZP chuan, Orthopaedic erawh Mizoram pumah pariat (8) chauh an awm avangin lak pen theih nia an hriat loh thu leh remchang hmasa bera Champhai pe tura inremna ziah a nih theih tak avangin lungawilohna an lantir mek chu nimin chawhnu khan an titawp ta tih an sawi a ni.

He inremna ah hian sawrkar aiawhin Champhai DC leh SP ten hming an ziak a, zirlai aiawhin MZP President leh SU Vice President ten an ziak a. He thil hi Champhai District puma zirlaite thawhrah, huaisenna leh \anrualna a nih avangin zirlaite chungah MZP Headquarters Champhai chuan lawmthu an sawi tih an thuchhuahah chuan an sawi bawk.