ICFAI University Convocation Larsap in a hmanpui

ICFAI University Mizoram chuan nimin khan an University Campus, Durtlang North-ah Convocation vawi 7-na an hmang a, he hun hi Mizoram Governor, Kummanam Rajasekharan chuan khuallian niin a hmanpui.

Nimin a ICFAI University Mizorama Convocation-ah hian Larsap chuan ICFAI University-in Covocation vawi 7-na a hmang thei chu lawmpuiin zirlai hlawhtling thar te, zirtirtute leh nu leh pa te duhsakna a hlan a. Zirlaite chu an hmabak ah chona tam tak paltlang tur leh kawng thui tak zawh tur an la nei tih hre tura chahin, Zirna chu zalenna, thiltihtheihna leh hmabak eng min siam saktu, khawvel thlak danglamna atana hmanraw thiltithei ber a ni, tiin “Khawvel inher danglam zelah hian zir tawp ni a thleng thei lo a, khawvel hmasawnna umpha tur chuan mahni intuaithar reng a ngai a ni,” a ti a. Larsap chuan nakin lawka ram hruaitu la ni mai tur \halaite chu mahni inrintawkna nen rim taka thawk a, taima leh tumruhte tan an ban phak maiah hnathawh tur tam tak a awm reng tih hre turin a fuih bawk.

ICFAI University Convocation an university Chancellor, Prof. JP. Ramappa chuan a kaihruai a, Vice Chancellor, Lt. Gen. Dr. AK. Misra pawhin thu sawiin ICFAI University chu India rama Private University lian ber te zinga mi niin tunah hian India ram state hrang hrang 16-ah a inzarpharh mek a, ICFAI University dintu Shri N.J. Yasaswy an hmathlir thui tak a lo neih tawh angin India hmarchhak a University \ha ber ni turin theih tawp a chhuah mek a ni, a ti bawk.

Nimin a ICFAI University Mizoram Convocation-ah hian he University a\anga Under Graduate leh Post Graduate zir chhuak mi 207 te hnenah Degree hlan a nih bakah zirlai ti\ha bikte hnenah Gold leh Silver Medal hlan a ni bawk.

Kum 2006-ah Mizoram State Legislative Assembly in ICFAI University Act a passed hnuah University hi din niin section 22 of the UGC Act, 1956 hnuaiah UG leh PG degree pek theihna a nei a. ICFAI University chu Mizoram-a Management zirna hmasa ber leh India hmarchhak a Professional Course zirna tlemte zing ami a ni a. Information Technology zirna kalpui a nih bakah kum 2015 a\ang khan Humanities & Social Sciences-ah Bachelor leh Master Degree zirna kalpui niin course hrang hrang 17 hawn mek a ni. Tun dinhmunah zirlai 700 chuang an awm a ni.