Friday, 12 October 2018

A thlawna thisen pek tam

Nimin khan National Voluntary Blood Donation Day pualin Govt. Serchhip College-ah hun hman a ni a, Govt. Serchhip College NSS Unit te chuan damlo a mamawh apiangte hman turin thisen an pe nghal bawk.
Govt. Serchhip College-a National Voluntary Blood Donation Day puala hun hman hi Govt. Serchhip College-a Associate Professor, RL. Chhuanawma chuan kaihruaiin AVBD Serchhip Branch-a Secretary, Hmingthansiama chuan kumin chhunga Serchhip Blood Bank-a thisen pek tawh dan tarlangin, kumin January a\anga September thla tawp thleng khan Serchhip Blood Bank-ah hian thisen Unit 889 pek ni tawhin heng zinga 879 hi mi tlawm-ngai ten mi tu emaw tan bik nilova Voluntary Donation-a an pek niin Replacement Donation Unit 10 a awm tawh bawk a, Blood Donation Camp \um 18 buatsaih ni tawhin thisen pek zawng zawng a\angin zaa 98.8 chu Voluntary Donation a ni.
He hunah hian AVBD Serchhip Branch President, Zonunsanga Kawlni chuan National Voluntary Blood Donation Day chu Oct. 1-ah hman \hin ni mah se kumin ah hian remchan zawkna avangin nimin khan hman a nih zawk thu a sawi a. Serchhip District chhunga mipuite zingah thisen pek pawimawh zia hria an pun zel avangin kumin chhunga a thlawna thisen pe an pun mek thu leh tunah pawh pek tum mek \hahnem tak an la awm avanga lawmawm an tih thu a sawi a. Thisen pek pawimawh zia leh pe tura hriattur pawi-mawh te sawiin, tlawmngaia thisen petute chu anmahni ngei pawh thisen mamawh thei an ni tih hriaa tlawmngaia pe chhunzawm zel turin a sawm nghal bawk.
Hemi hnu hian Govt. Serchhip College NSS Unit-a Volunteer te chuan thisen pe zui nghalin mipa 44 leh hmeichhia 29, an vaiin mi 73 in thisen hi an pe a, heng mi tlawmngai te thisen hi Serchhip Blood Bank Officer, Dr. Maria VL. Rosangi leh thawktu dang ten an lak sak a ni.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...