DEO-ah ngenna thlen

MNF East Block Serchhip chuan Election Commission of India in inthlanpui neih tur a puan tawh avanga Model Code of Conduct hman a nih tawh avangin Serchhip District-a NEDP hnuaia hna thawh tur chhuak te Stay tura ngenna District Bawrhsap leh District Election Officer ni bawk hnenah an thehlut.
MNF East Block Serchhip hruaitute hian nimin khan District Election Officer, Sangchhin Chinzah chu a Office Chamber-ah hmuin NEDP hnuaia Serchhip District chhunga hnathawh tur hrang hrang list te pe in, heng hna te hi Election puan anih tawh avang leh dan in a phut anga Election puan hma a kutthlak a awm loh avangin thawh chhunzawm a nih lohna tura hma la turin an ngen.
He hunah hian District Election Officer, Sangchhin Chinzah chuan Election Commision of India in Mizoram Legislative Assembly inthlan hun a puan rualin Department Head zawng zawngte chu hna kallai tihloh chu hma la thar lo tura hriattirna an pek tawh thu leh dan bawh-chhia leh Model Code of Conduct bawhchhia awm lo tura an inhrilhhriat thu a sawi a, Election laiin mi tupawh in Conduct Rule bawhchhia an hmuh a finfiahna \ha tak an neih chuan a rang thei ang bera report \hin tura a duh thu a sawi bawk. Thudawn danin Serchhip Constituency-ah hian NEDP hnuaia hnathawh tur cheng nuai 237 a ni a, Tuikum Bial-ah cheng nuai 163.4 leh Hrang-turzo bial-ah cheng nuai 135.6 vel a awm a ni.

Popular posts from this blog

PAN CARD an tih teh fo hi - Laldinpuia