Congress a\angin Lalrinliana MLA bang dawn

Tuichang Assembly Bialtu MLA, Lalrinliana Sailo chuan Zirtawpni leh Inrinni khan a bial chhunga hrang hrang tlawhin MLA a\anga a ban tur thu a hrilh a, bial mipuite thlahna hun a hmang nghal.

Congress Party Ticket-a kum 2013 Assembly inthlanpuia Tuichang bial a\anga thlantlin, Lalrinliana Sailo hiin tunhnaiah Congress Legislature Party Meeting-ah koh a ni ve lo tih sawiin, hei bakah hian Congress Party chuan a aiawha ding tur an zawng tih a hriat avangin a tan tih tur dang a awm tawh lo tih a sawi a ni. Lalrinliana Sailo chuan Khawzawl in District an ngiatna Congress Party ah a hlawhtling dawn lo tih an hre tawh tih pawh sawiin, hetihlai hian MNF party in a taka kalpui ngei an tiam avangin, MNF Party chu ken mai \haa a hriat thu a sawi a, he Bial-ah hian inthlan hnuhnung berah vote 3,000 vel laia chakin, Ministry-ah a awlthawng an nih tak bawk avangin a bial pawh a vil \ha hle tih a sawi a, inthlang leh dawn pawh nise a inhuam reng tih sawiin, “Ka bial mipuite duh ber, District function hi MNF party-in a tiam a, hei vang hian MNF candidate tur pawh a invawrh sang ta em em a ni,” a ti a. Chuvangin Congress party chhuahsan bakah MLA a\ang pawha bân a tum tih a sawi bawk.

Lalrinliana Sailo hian a pianna khua Lungtan, bakah Khawhai, Chawngtlai leh Khawzawl te tlawhin a bial mipuite thlahna hun a hmang a, Khawzawl Vengthar Bazar Waiting Shed-ah pawh inkhawm an buatsaih a ni a. Congress Party-ah ding dawn tawh lo mahse, inthlan lo awm tur chuh ngei a tum tih sawiin, titi \henkhat ah chuan MNF Ticket in Chalfilh bial-ah a ding dawn nia sawi a ni a, amah erawh chuan party dang zawm tum a neih leh neih loh chungchanga zawhna chu Aizawl-a a haw hunah a la ngaihtuah dawn thu a sawi bawk.