Tuesday, 9 October 2018

Ningani-ah MPCC in Candidate puang dawn

Mizoram Pradesh Congress Committee (MPCC) chuan Assembly inthlanpui neih tura an Party Candidate turte chu tunkar Ningani khian an puang dawn.
Nimin a Congress Party in Aizawl Congress Bhavan Golden Hall-a mithar lawmluhna hun an buatsaih ah MPCC Nomination Committee Secretary, KS. Thanga chuan MPCC in Party Official Candidate te chu October ni 1, 2018 chawhma dar 11:00-ah Lal Than-hawla Auditorium-ah puan a ni dawn tih a sawi a ni. Nimin a he hun hman ah hian MPCC President, Lal Thanhawla chuan inthlan kan hmachhawn a, kan inbuatsaih zel a, mipuiten chhuan lo la kal zel tur atana hnam ro tling siamtute hi tunge tih leh, mipuiten hun kan pe chuanga hnam ro tichingpen \hin tute hi tute nge tih ngaihtuah chungin vote thlak se ka ti hle a ni, a ti. Nimin a Congress Party in mithar lawmluhna hun an buatsaih ah hian LT. Hrangchal, IPS, DIG (Rtd) chu Congress Party-ah hian lawmluh a ni a. LT. Hrangchal chuan Hmar hovin Political demand neiin Silai te an chelek tih sawiin, “HPC te leh Sawrkar te ral kan nih laiin Hmar hnam ni mah ila Sawrkar hnathawk ka nih avangin HPC(D) umtute zingah pawh kan tel a, Sawrkar leh HPC(D) te inremna in MLA te hial kan neih ve angai a ni an tiin kan hotuten min project a, Sawrkar leh ngai tur Party ah ka rawn lut a ni,” a ti bawk.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...