SVEEP hmalakna thlirhona neih a ni
Nimin chawhnu khan District Level Systematic Voters Education & Electoral Participation (SVEEP) Core Committee chu an Chairman leh District Election Officer ni bawk, Sangchhin Chinzah hova \hukhawmin an hmalakna leh hmalak zel dan tur an sawiho.
He \hutkhawm ah hian Election Commission of India (ECI) in a ngaih pawimawh em em, kumina Voters’ Day Theme- 'Accessible Election' chungchang sawiho niin, inthlan ni-ah pianphunga rualbanlo te pawhin Vote an thlak \heuh theih dan turte an ngaihtuah ho a, hemi atan hian Mizoram People Forum (MPF) Serchhip District hruaitute nen ruahmanna an siam nghal nghe nghe a ni.
Serchhip District-ah hian SVEEP Core Committee hmalakna in DC Office-a E-District Offiice-ah mipui, a duh apiang tan vote thlak chhin theihna buatsaih mek a ni a, mi \hahnem takin vote hi an tlak chhin tawh nghe nghe a. SVEEP Campaign buatsaih niin Electronic Voting Machine (EVM) leh Voters Verified Paper Audit Trial (VVPAT) chungchang inhrilhriatna (Mobile Campaign) pawh District chhung khawtin bakah Govt. Serchhip College-ah leh Serchhip khawpui a zirna In hrang hrangah te SVEEP Campaign hi neih a ni tawh a. Mizoram People Forum (MPF) ten nena \angkawpin Serchhip, Chhiahtlang leh E. Lungdar-ah te pawh SVEEP Campaign hi an lo kalpui tawh a ni.
Comments
Post a Comment