Latest News

Gas phurh thawnlet a ni

MIZOFED Serchhip Branch in nimin a ei-rawngbawlna Gas an sem tur chu buk tlinglo a tam avangin thawnlet tura tih a ni.
MIZOFED Serchhip Branch hian Serchhip-a eirawngbawlna Gas an sem kal mekah nimin khan Serchhip Chanmari Veng-ah eirawngbawlna Gas hi sem tura ruahman a ni a. Eirawngbawlna Gas hi sem \an a nih a\angin YMA hruaitute chuan bukna hmanga bukin buk a tlin leh tlinloh an enfiah a, a tira bur 10 hlanthlak te chu Kg. 2 vel bawra a tlin loh zel avangin hnawl zel a ni a, a dang an buk te pawh a tlin takloh zel avangin Legal Metrology Inspector leh a thawhpui te kovin enfiah a ni a, Motor-a Gas bur dangte pawh enfiah a nih hnuah Kg. 3 vel laia tlinglo te a awm tak avangin sem theih a ni ta lo a ni.
Mipui ten Gas hi a buk tlinlohna man paiha lak mai duh mah se MIZOFED Manager chuan Dan a nih loh thu a sawi avangin YMA hruaitute, mipuite, Consumers Association leh Legal Metro-logy-a thawk te nen sawiho a nih hnuah Gas hi thawnkir tura tih a ni ta a, Gas hi sem a ni ta lo a ni. MIZOFED Serchhip Branch Manager chuan nimin a Chanmari-a Gas sem theih a nih tak loh avang hian tuna Borkhola a\anga Gas rawn phurh, kawnglaka thang mek chu a rawn thlen veleh Chanmari Veng-ah hian sem a nih tur thu a sawi bawk.

Comments

Popular News (Last 30 Days)