Wednesday, 10 October 2018

PRISM Party in hmalak an tum dan puang

PRISM Party chuan nimin khan Electoral reform chungchanga hmalak a tum dan puangzarin "Candidate tur zawng zawng fimkhur tur leh Dan zawm turin kan ngen lawk a ni," an ti.
Nimin a Aizawl PRISM Office-a thuthar thehdarhtute hmaa Electoral reform chungchanga hmalak an tum dan an puanna hunah hian PRISM Party President, Vanlalruata chuan PRISM Party chuan thil tum pathum (3) a neih thu leh chung te chu- mipui thil hria (informed citizenry) nei tura hmalak, Politics siam\hat leh Mizorama eiruk awm lo, hnathawk thei leh nghet sawrkar din te a nih thu a sawi a. Politics siam\ha tur hian party kalphung siam\hat a ngaih avangin an kalphung chu party dang ang a nih loh thu leh Kohhran leh mithiam ten \ha an tih loh Unit nei lova kalin mi lawm zawng zawng satliah lovin a \ha tur zawnga an kalpui thu a sawi.
PRISM Party President chuan inthlan lo awm tur atan an inpeihfel tawh tih sawiin, Candidate tur pawh an ruahman fel tawh thu a sawi a. Hetihlai hian ZPM nen thawkho tura ngentu an tam avangin thawkho lo tura an inruahman fel vek tawh hnuah ‘Thawhho dan a awm em?’ tiin ZPM te an dawr leh tih a sawi a. Inphahhniam tura an ngen \hinna avangin ‘Party ve si an chan a va chhe em em,’ tih tur khawpa thawhhonaa dinhmun \halo pawh chan inhuamin, sawrkara chanvo leh dinhmun pawh pakhat mah hauh lovin thawhho puiah an sawm leh thu leh an chhanna an nghah mek thu a sawi a. “Kan ram siam\ha tur hian sawrkar inrelbawlna senso, tuna budget a\anga zaa 90 vel hman hi zaa 60 vela titlem a, kan hmasawnna daltu eirukna umbo tura hma la duh chu an thawhpui thei a. Keimahni-a ding turin kan inpeih thlap tawh bawk a ni,” a ti bawk.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...