Inthlang turin inbuatsaih mek zel a ni

Mizoram Assembly inthlanna nei turin inbuatsaihna kalpui mek zel a ni a, tarlan tawh angin he inthlanna hi Assembly bial 40-ah thla thar Novermber 28 khian neih a ni ang.

Mizoram District 8-ah hian Assembly Constituency 40 awmin heng te hi Reserved Constituency 39 (ST), leh Un-Reserved Constituency 1, Aizawl East-I te a ni a. Heng Constituency 40-ah hian mipuite Vote thlakna tur Polling Station 1164 awmin Polling Station 125 te chu webcasting tur a ni a, Mizoram-ah hian Sector 139 a awm bawk. Hriat theih chinah Mizoram-ah vote nei thei mi 7,68,181 awmin inthlanna atan hian EVM Ballot Unit 1859, leh Control Unit 1841 hman a ni ang a, VVPAT 1751 hman a ni bawk ang. Inthlanpui ah hian venhimna hna thawk turin Police Personnel 48 coy leh Central Armed Police Force 40 coy te rawih an ni dawn a, Constituency tina Polling Station pakhat \euh chu Hmeichhia hlang duty na tura ruahmanna siam a ni. Polling Station ah hian taksa lama harsatna nei te \anpuitu tur an awm dawn bawk a ni.