Lunglei Bazar zauhna tur lungphum phum

Nimin khan Mizoram Youth Commission (MYC) Chairman, Joseph Lalhimpuia MLA chuan Lunglei Super Market Annexe Building sakna tur lungphum a phum a, NLUP Sales Emporium a hawng bawk.

Lunglei Super Market Annexe Building sakna tur Lungphum phumtu Joseph Lalhimpuia chuan HPC Vice Chairman anih laiin Shoping Centre dinna tur nasa takin an buaipui a, thui tak kalpui anih hnuah project thehluh ah thil felhlel deuh a awm avang leh sawrkar a in thlak avangin a puitling thei lo tih sawiin, tunhnuah Chief Minister, Lal Thanhawla leh Commerce and Industry Minister, H. Rohluna te duhsakna avangin NEDP sum a\angin cheng nuai 270 senna tur Super Market Annexe building sakna tur lung a phum thei ta chu lawmawm a tih thu a sawi a. Building sak zawh anih chuan Motor Parking bakah thlai thar zawrhna tur hmun tam zawk leh Market Office changtlung zawk neih a ni dawn tih a sawi.

Lunglei Super Market Annexe Building Lungphum phum hnu hian Joseph Lalhimpuia hian District Industries Centre Ground Floor-a NLUP Sales Emporium siam thar a hawng bawk a. NLUP a\anga thil tharchhuah zawrhna tur Emporium hmasa ber Lunglei-a hawn ani chu lawmawm a tih thu sawiin, Lunglei Super Market a tawt tawh lutuk avangin thlai leh thil siamchhuaktu tam takin an thil thar/siamchhuah phona tur an indaih tawh lova, hetianga department in remchang hria a hma a la chu an fakawm tak zet tih a sawi.

Mizoram Youth Commission chungchang sawiin MYC Chairman chuan kumtir a\anga MYC Chairman hna a thawh hnuah hmasawnna hmel hmuh tur tam tak a awm tawh tih a sawi a, an budget pangngai, kum khata cheng nuai 150 bakah cheng vbc. 2 an hmuh belh tih sawiin, District tinah Youth Centre din ani dawn a, a hmasa pathum hawn turah Vawiin hian Lunglei-ah a hovin Youth Centre hi hawn a ni dawn a, thawktu tur pawh an la tawh niin a sawi bawk.