Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists' Association President, Zonunsanga Khiangte chuan a hmanpui.
Govt. T. Romana College Cultural day-ah hian MJA President chuan Mizoram-ah College engemawzat a awm tawh laiin, hetianga Cultural Day hmang thei hi tam an awm lo nia a hriat thu sawiin, Cultural Day hmang satliah pawh ni lova 'Aia Upa Zah' tih thupuia an hmang lehzel chu ropui a tih thu a sawi a. "Kan thupui hi thil pawimawh tak a ni a. Thupui-ah kan hmang ta rau rau, a takin hmang zui ila, Govt. T. Romana College zirlai sang rualin a taka kan hman a midangte tana entawn tur kan siam chuan awmze thui tak a neih ngei ka ring a ni," a ti a. Zonun zemawi chhi eng turin zirlaite an pawimawh thu sawiin, ovt. T. Romana College zirlaite chu chutiang tur chuan danglam bik ni turin a fuih bawk.
Govt. T. Romana College in Cultural Day an hman chhung hian State Museum, Art & Culture Department nen \angdunin Mizo hnam zia tarlanna chi hrang hrang pholan nan College Building-ah Exhibition buatsaih a ni a. Zirlaite leh thawktute hnam zia tilang thei hmanga inthuamin he College-a lut zinga hnam peng hrang hrang - Mara, Lai, Chakma leh Assamese zirlaiten hnam inthuama inthuamin zai leh lamin hun an hmang a. Cultural Day thupui atan 'Aia Upa Zah' tih hman a ni.
Govt. T. Romana College hi kum 1992-a din a ni a, Arts College niin subject hrang hrang pariat (8) zir theih a ni a. Kum 2019-2019 session-ah hian zirlai 1073 leh thawktu 58 an awm mek bawk. National Assesment & Accreditation Council (NAAC) Accredited College niin 'B' Grade Accreditation an nei a ni.

Popular posts from this blog

PAN CARD an tih teh fo hi - Laldinpuia