ZPM in pawisa kan sem dawnlo - PL. Liandinga

ZPM Star Campaigner, PL. Liandinga chuan, “ZPM kan sawrkar chuan Rs. 10,000/- pawh kan sem dawn lo, chu mai a ni lo, Rs. 1,000/- pawh kan sem lo ang,” a ti.

Nimin a Hnahthial khuaa Zoram People Movement (|angrual Pawl) in Campaign Office hawnna leh Campaign Kick-off an neih ah he thu hi sawiin PL. Liandinga chuan ZPM an sawrkar chuan pawisa an sem dawnlo tih sawiin, “Inthlan hma leh inthlan hnuah pawh kan sem ve dawn lo. Hah tak leh rim taka thawktute thawhchhuah leh thlantui far te hi chuan sum hi an thawh hah man hi chu an hmu thung ang,” a ti a. Pawisa sem vanga ding chhuak ta eng sawrkar mah a awm ngai lo nia sawiin, “Kan ramah hian sem policy kan uar ta lutuk hian kan Moral a tichhia a ni. ZPM chuan inthlahrung leh \i dek chungin keimah niin kan lo ti ve tawh ang e kan ti a ni,” tiin India pawisa note an neih ve loh thu leh an hmachhuan ve loh thu bakah Pathian an chhuan zawk thu a sawi bawk.