Tuesday, 2 October 2018

Chief Minister in NLUP hnuaia hmalakna tur ruahmanna thar pathum a tlangzarh

Chief Minister, Lal Thanhawla chuan nimin khan Aizawl-a Lal Thanhawla Auditorium-ah NLUP hnuaia hmalakna thar 'Rain Garden & Mei Sipai Scheme' leh 'Chief Minister's Special Package (Medical Care)' chu a tlangzarh a, he hun hi NLUP Implementing Board Vice Chairman, JH. Ro\huama MLA chuan a kaihruai a ni.

'Rain Garden & Mei Sipai Scheme' leh 'Chief Minister's Special Package (Medical Care)' tlangzarhna hunah hian Chief Minister, Lal Thanhawla chuan sawrkar hruaitute chuan ramin a mamawh ang zela an hriat angin policy siam a nih \hin thu sawiin, Rambuai laiin mipuiin remna an neih theih nan hmalak a nih thu leh, chumi hnuah rambuai avanga khawsak harsa te rahbi tuk sakna turin hmalak leh niin, vawiin thleng hian miharsa rahbi tleu ten eizawnna ngelnghet an neih theih nan NLUP kaltlanga hmalak zel a nih thu a sawi a. NLUP hnuaiah chuan tunlaia ramin a mamawh - State hmasawn zel nan a inenkawlna lama chhawmdawlna 'Medical Care' miharsa zualte tana buatsaih leh, ramngaw leh nungcha humhalh kawnga hmalakna thar NLUP kaltlanga siam a ni chu lawmawm a tih thu a sawi a. “Kumtin a India rama kawngmei chhuah tamna ber zing a mi kan ni mai hi a zahthlak a, kangmei vennna kawnga hmalakna te hi kan zavai tan a ni tih hriain mitin kan \an tlan a ngai a ni,” a ti a. Chief Minister chuan CM's Special Package hnuaia Medical Care dah thar a ni chuan a mamawhten \angkai taka an hman a beisei thu leh ram in hma a sawn dawn chuan a chhunga cheng thawktu mipui an hrisel a ngai avangin ei leh in bakah zuk leh hmuam-a fiamkhur a \ul thu a sawi bawk.
NLUP hnuaia program thar tlangzarhna inkhawmah hian Chairman, JH. Ro\huama chuan Medical Care hmalakna chuan Hospital hrang hrangah Poor Fund leh thawktuten an mimal pawisa te hmanga mi harsa an inenkawlna Bill pe theilo te an lo puih \hin tawh chu a phuhruk theih a beisei thu a sawi bawk.
Sawrkar laipui bultum Health Care Scheme (RSBY, PMJAY) leh State Health Care Scheme hnuaia in register ve lo mi harsa leh chhumchhia ten enkawl a an dawn theih nana ruahman 'Chief Minister's Special Package (Medical Care)' kalpuina tur hian Aizawl Civil Hospital; Medical College Hospital, (Referral Hospital), Falkawn; District Hospital 8 te leh Cancer Hospital, Zema-bawk, Aizawl; Synod Hospital, Durtlang; Aizawl Adventist Hospital Aizawl; Christian Hospital, Serkawn; Lairam Christian Medical Centre & Hospital, Lawngtlai leh Christian Hospital (BCM), Lawngtlai te thlan an ni a. Ham\hatna dawng thei te chu mirethei chhumchhia leh engmah nihna leh chanvo (identity & entitlement) nei lo, Sawrkar emaw, Organization/Company emaw a hnathawk lo, chhung te nghenchhan tur sawrkar emaw organization rintlak deuh emawa hnathawk awm lo, sum hnar dang mumal innghahna pawh nei lo, damlohna avanga damdawi In-ah inenkawl tura lo kalte an ni a. Beneficiary-te chu Mizoram chhunga cheng, voter's ID nei ngei tur an ni a. Naupang vote la nei thei lote an nih chuan an nu emaw pa emaw voter’s ID hman theih a ni ang.
'Rain Garden' leh 'Mei Sipai Scheme' te hi NLUP thil tum - ram leilung hman dan tur ruahmanna thar leh ramngaw siam\hatna atana duanchhuah a ni a. Rain Garden Scheme hnuaiah hian tuikhur tui leh lui tui tih nun thar lehna atan lui hnar leh tuikhur hnar ‘catchment area', 2,100 Sq. Km. area vel, a bika humhalh turin tuikhur hnar leh lui hnar area zawng zawng hi a bika humhalh a, ramngaw reserve nghet siam a, vantlang ram - mimal leh pawl ten mahni duhthu a khawih chhiat leh tihdanglam theihloh turin, khaw tinah Committee siam a, vawnhim tur a ni a. Kum tina ramkang in ngaw a tihchhiat nasat avangin, kangmei laka ramngaw humhalhna atan khaw tinah ‘Mei Sipai' dah a ni anga, ram kang laka ramngaw humhalhna atan a mawh an phur dawn a ni.

Latest News

THLASIK KHUAL|HA TE I DUAT ANG U

THL ASIK KHUAL|HA TE I DUAT ANG U - K. Lalmuansanga (Zotei Pa), ASEP