Aizawl-ah Gandhiji Kavi Sammelan hmang

Nimin khan Mizoram State Archives Hall-ah Thu leh Hla lama tuimite pungkhawmin Gandhi-a Pual Hla Kutpui, 'Gandhiji Kavi Sammelan' an hmang.

Gandhiji Kavi Sammelan-ah hian Art & Culture Director, Hmingthanzuala chuan thusawiin Gandhi-a Pual Hla Kutpui chu India ram hmun hrang hrangah uar taka hman \hin a nih thu a sawi a. Mizoram-ah chuan tun\um hi a vawikhatna a nih thu leh changtlung zawka hmanchhoh zel tum a nih thu sawiin, heng hunah hian India Hnam Pa, Pu Mohandas Karamchand Gandhi nuna zirtur tam takte chu thu leh hla hmanga inhrilh tawn a ni \hin tih a sawi a. Gandhi-a zirtirna leh nunpui pakhat 'Mahni Culture ngaihsan' phei chu Mizoten kan \awng leh culture humhim zelna atana kan tih makmawh a ni, a ti.

He hunah hian Prof. R.L. Thanmawia chuan Gandhiji Kavi Sammelan zirchianna a buatsaih chu a chhiarchhuak a. Gandhi-a’n a lo tlangaupui \hinte leh a nuna zir tur thil tha tak tak te bakah tunlai khawvela Gandhi-a zirtirna pawimawhnate a sawifiah bawk. Gandhiji Kavi Sammelan programme hi Carol VLMS. Dawngkimi, Jt. Director, Art & Culture chuan a kaihruai a, he hunah hian Mizo \awng leh Hindi a hlachham chi hrang hrang leh malzai te ngaihthlak a ni.