Thisen pekna Ni hmang

Nimin October 1 kha National Voluntary Blood Donation Day a ni a, Mizoram hmun hrang hrangah hman niin Serchhip-ah chuan Ni remchang ah hman tura ruahman a ni.

National Voluntary Blood Donation Day hi Mizoram State AIDS Control Society (MSACS), Association for Voluntary Blood Donation leh Blood Bank-te huaihawtin Mizoram hmun hrang hrangah hman niin thisen pek rûnpui buatsaih a ni a. He Ni puala Mizoram-a hun hman pui ber Aizawl Hrangbana College Golden Hall-a buatsaih chu National Health Mission (NHM) Director Dr. Lalrozama chuan khuallian nia hmanpuiin kumin-a National Voluntary Blood Donation Day thupui, 'Hlimna hi thisen pek a\angin a awm' (Happiness is donating blood) tih chu thu dik a nih thu sawiin, "Thisen pe tur hian invawn thiang-hlim tlat a ngai a, ruihhlo leh mipat hmeichhiatna hmansual laka fihlim turin \hian \ha lo kalsan an ngai \hin a, tih leh tih loh tur chin ramri fel tak insiam hi himna pawimawh. Voluntary blood donation-ah Mizoram hi 100% a nih theih nan \an lak zel a ngai a ni," a ti.

Association for Voluntary Blood Donation President, C. Lalnunnema chuan Pawl hrang hrang anga thisen pek rûnpui (donation camp) neih hi an ngai pawimawh zel tih sawiin, tunhnaiah hmeichhia thisen pe an pun thu a sawi a, "Mizoram-a Voluntary Donation 83% zinga 30% dáwn hmeichhia an ni tawh a, India ram-pum huapa 5% aiin kan sang hle a ni," a ti bawk.

AVBD General Secretary, Lalrinkima tarlan danin, sawrkar kum hmasa 2017-18 chhung khan Mizoram pumah thisen Unit 26,248 pek a ni a, chu'ng zinga Unit 21,880 (83.36%) chu pek bik nei loa a thlawna pek a ni. Voluntary Donation zinga Unit 15,601 (59.44%) chu páwl hmingin, Unit 6,279 (23.92%) chu mimal Voluntary Donation a ni thung.