Tuichawng bialtu MLA Dr. BD. Chakma-a’n MLA leh Congress Party a\anga banna a thehlut

Tuichawng bialtu MLA Dr. BD. Chakma chuan nimin khan Assembly Speaker, Hiphei hnenah MLA a\anga banna thehlutin, MPCC President hnenah Congress party a\anga banna a thehlut nghal a. Dr. BD. Chakma hian Vawiin hian BJP a zawm dawn nia thudawn a ni. 

Nimin a MLA a\anga banna a thehluh hnuah thuthar thehdarhtute zawhna chhangin Dr. BD. Chakma chuan inthlan a hnaih tawh avanga MLA nihin awmzia a awm tawh chuan loh avangin banna hi thehlut a nih thu sawiin, "Political party hrang hrang a\angin sawmna ka dawng reng a, Congress party-ah ka ban fel hnuah ka zawm turah thutlukna ka siam ang," a ti. Dr. BD. Chakma chuan Congress party-ah lungawilohna a neih thu sawiin, "Chakma Congress-ah inlungruallohna a awm a, vawi engemawzat kan party President hnenah discipline kengkawh turin ka thlen a, tun thlengin hmalakna a awm chuang lo. Chuvangin Congress party a\anga banna ka thehlut dawn," a ti a, CADC area-ah chuan Congress party tan chance a awm loh thu a sawi bawk.

Nimin tlai khan Dr. BD. Chakma hian Aizawl-a Hotel Regency-a thuthar thehdarhtute kawmin BJP a zawm tur thu a puang a, "Ka bial ngaiah BJP ticket-in ka ding ang a, ka tlin ngei ka ring. Danin phal lo mah se, MDC min zuitu pawh ka nei ang," a ti a. Congress party a\angin bang lo turin \um hnih \um thum min thlem a ni," a ti a. Kum 10 Congress party-in sawrkarna a chan chhungin a bial-ah hmasawnna hmuh tur a awm lo hle nia sawiin, Congress party lakah mipui an lungawi lo a, ani pawh a lawm bik loh avangin awm rengna tlaka ngai loin a chhuahsan tih a sawi a. National party-a awm chu a duh ber thu sawiin, Congress party a chhuahsan takah chuan National party leh Central-a sawrkarna chelhtu BJP chu zawm mai \haa a hriat thu sawiin, Prime Minister Modi-a hmalakna chu \ha a tih thu leh Chakma mipui mai ni lo Mizoram mipui pawhin an \hatpui tur nia a rin thu a sawi a. Chakma zingah Congress party chu a tla na tawh lo hle nia sawiin, a bial chhung bikah phei chuan an MLA-in a bansan tak avangin CADC huamchhunga Congress party hruaitute pawhin banna an thehlut a, Chakma mipuiin BJP lam an hawi tawh a ni, a ti bawk.

Dr. BD. Chakma hian October 10 khan inthlanpui awm turah Congress MLA candidate nih a pha a, October 13 khan Guwahati-ah a zin a, Assam Minister leh BJP kaihhruai NEDA convener, Himanta Biswa Sarma a hmu a, October 15 khan Aizawl-ah lo haw lehin nimin khan Congress leh MLA a\anga a banna a thehluh hnuah BJP a zawm tur thu a puang ta a ni. 

Dr. BD. Chakma hi kum 2013 khan a \umkhatna atan INC ticket-in Tuichawng Bial a\angin MLA atana thlantlin a ni a, Minister of State-ah dahin Fisheries Department leh Sericulture enkawl tir a ni a. MZP ten Mizoram quota-a Technical Course zir tur thlanna ah Chakma te humhimtu ah puhin an bei a, hemi avang hian Minister anih a\anga banna chu nikum August ni 21 khan Chief Minister hnenah a thehlut a, a banna hi August 24-ah pawm sak a ni zui ta a. NEET chungchanga Chakma-te Category II-a dan lova dah an nih chungchang chuan a ti lungni lo hle nia sawiin, a rilru a nat thu leh Congress a bansanna bul a nih thu a sawi bawk.

Hetihlai hian nimin khan Mizoram Legislative Assembly Secretariat chuan hriattirna tichhuakin, Dr. BD. Chakma-a’n MLA a\anga a ban tak avang hian a bial Tuichawng Constituency chu nimin a\angin bial ruak a nih thu an tarlang a. Hemi hmalam hian |awi bialtu MLA, R. Lalzirliana’n banna a thehluh pawh Assembly Speaker chuan pawmin a bial hi bial ruak-ah puan a lo ni tawh bawk a. Tuichang bialtu MLA in banna a thehluh bawk avangin tunah hian bial ruak 3 a awm ta a ni.