Latest News

Excise & Narcotics Department in inthlanna muanawm neih theih nan hma an la mek


Mizoram Excise & Narcotics Department chuan Mizoram Assembly inthlanpui neih turah boruak ralmuang leh thianghlim tak hnuaia Mizoram mipuiin inthlanna dik leh fel kan neih theihna turin rampumah zu leh ruihhlo dapchhuah hna an thawk mek.
Mizoram Excise & Narcotics Department hotute sawi danin Election Commission of India-in a beisei angin Mizoram Excise & Narcotics Department chuan zu leh ruihhlo hmanga inthlanna dik tikhawlo thei zawnga mi \henkhat an chet lohna turin Zu leh ruihhlo do dan tur ruahmanna mumal tak ‘Standard Operating Procedure (SOP)’ siamin District tina Excise & Narcotics Department thawktute chuan theihtawpin hma an la mek zel a. Serchhip-ah pawh District Election Officer, Sangchhin Chinzah hova ruahmanna siam angin Excise & Narcotics Department te chuan Serchhip Chanmari Vengthar leh Dawngzawl velah beihpui hi an thlak thu sawiin, Zu bilhlai |in 310 zet an tihchhiat bakah Zu thlawrsa litre 80 vel an man bawk a, Zu siamna atana hman Bel 10 manin heng an thil man leh tihchhiat zawng zawng hi cheng nuai khat hu vel zet a ni a, a \ul anga hmalak chhoh zel tura rua-hmanna siam a ni bawk.

Excise & Nracotics Department hotute chuan Dan lova Zu siam, hralh leh leite chu Dan anga hrem an nih theihna turin hman an lak thu sawiin, tunkar chhung hian Aizawl, Champhai, Kolasib, Serchhip leh Vairengte-ah te Rakzu siamna hmunpui (Factory) \hahnem tak tichhiain Dan kalh (Black)-a zu zawrh \hahnem tak manin ruihhlo (Heroin, Ganja) te pawh \hahnem tak an man thu an sawi a. Zin veivak phurtu lirthei (Bus, Maxi Cab, Taxi, etc) khaltute pawh Zu an in leh in loh fiahin kawngpui remchang laiah duty-in Breath Analyser hmangin endik \hin an ni a. Hetianga hmun hrang hranga an duty-na ah hian Excise & Narcotics Department Commissioner & Secretary, KT. Beicho, IRAS pawhin a hmunah enfiahin Excise & Narcotics Force te hi a \awiawm a ni.

Comments

Popular News (Last 30 Days)