Congress Candidate tur mipui ten lo hmuak

Assembly inthlanpui neih tura Serchhip bial-a Congress Candidate tur leh MPCC President, Lal Thanhawla chuan nimin khan Serchhip rawn lutin Serchhip-a Congress Party mipui \hahnem takin an lo hmuak.
MPCC President, Lal Thanhawla hian nizan hmasa-a Thenzawl-a a riah hnuah nimin chawhnu dar 1:45 khan Serchhip rawn lutin Sailiamkawn-ah an Party mipui \hahnem takin lo hmuakin an lo lawm a, an Party mipuite hmaah hian thu sawiin, “Thudik leh takna chu Congress party-ah a awm a ni,” a ti a. Congress sawrkar leh chu Lal Thanhawla leh Congress party in a mamawh ni lovin, Serchhip bial, Mizoram hian a la mamawh tih sawiin, “Chumi dikna chu Tuirial Hydel Project leh Falkawn Referral Hospital hre reng rawh tih hian a tichiang a ni,” a ti a. Mizoram mamawh Congress sawrkar a din leh theih nana hmahruaitu ni leh turin party mipui kalkhawmte chu a sawm bawk.
Lal Thanhawla chuan Thenzawl-a Golf Course siam tur chu \ul ti lova a sum pawh Indoor Hall siam nana it zawk an awm nia a hriat thu pawh sawiin, he Golf Course siamna tur sum chu Ministry of Tourism sum a nih thu leh, heta tana hman a nih loh chuan sum hmang diklo an ni dawn tih a sawi a, a nihna tur ni lova sum hman chu thil tih chi a ni lo tih a sawi bawk.
Lal Thanhawla hi nizan khan Serchhip-ah riakin Vawiin hian Hrangturzo bial lam panin a chhuak leh dawn a, tunkar chhungin Party inkhawm hrang hrang a telpui ang.

Popular posts from this blog

PAN CARD an tih teh fo hi - Laldinpuia