Department hrang hranga Election Nodal Officer ten Serchhip-ah DEO hovin Meeting an nei

Nimin chawhnu dar 3:00 khan Serchhip District Election Officer, Sangchhin Chinzah hovin Serchhip DC Conference Hall-ah MLA inthlanpui kalpui meka Serchhip-a sawrkar Department hrang hrangin Election kaihhnawih thil an Office \heuhva lokal lo buaipui tura a bika an ruat, Nodal Officer ten Meeting an nei.
He Meeting-ah hian District Election Officer, Sangchhin Chinzah chuan Election thil umzuitu tur bik, department hrang hranga inruat chhuah tir anih chhan sawiin, Election lamah hnathawh tur tam tak a awm laiin an hnathawh kallai pangngai thawh reng tho a lo ngai a. Chung hna pawimawh hrang hrang an thawh te khaihlak leh fello awm lova; a bik takin inthlanna buaipui hna phei chu tluang taka a kal theih nan a nih thu a sawi a. Office hunbi pangngai, zing dar 9:00 a\anga tlai dar 5:00 chu \ha taka zawm tura sawrkar Department hotute chu hrilhin Bawrhsap chuan, Election lehkha pawimawh, action lakzui mai tur chite a tam avangin lehkha semtute an hawihai tur a ni lo, tiin kalkhawm te hi a chah a. Election thilah engemaw tihsual palh a awmin Nodal Officer chuah nilovin Head of Office pawhin mawh an phur thei tih a sawi bawk.
He hunah hian Sangchhin Chinzah hian inthlannaah sawrkar hnathawk, inthlannaa duty zawng zawngte pawhin vote an thlak ngei a beisei thu sawiin, Officers mahni thawhna hmun lama Voters ID la sawnlo te pawhin kokim taka vote an thlak theih nan in transfer \heuh tum ni se a duh thu a sawi a. Voters ID Transfer a harsat loh avangin duh hunah a thlak let leh theih mai tho a nih thu a sawi bawk.
Nimin a Nodal Officers te inhmuhkhawmnaah hian sawrkar hmalakna kalpui mek leh Model Code of Conduct in a khuahkhirh chin hmalakna te sawi chhuaha sawiho a ni bawk a. Department hrang hrangten sawrkar Policy an kalpui meka zawhna an neih te zawhna hun neiin Sangchhin Chinzah, DEO leh Lalvenhima, EO ten an zawhna te an chhan sak a ni.
He hunah hian Serchhip District Superintendent of Police, R. Sathiyasundaram, IPS pawhin thusawiin Law & Order kenkawhna kawng tinrengah an inpeih at reng thu a sawi a, a \ulna hmun apiangah a \ul hun apiangah che chhuak tura an inralrin reng thu sawiin, Department hrang hrang hotute chu inpawh tlang taka hnathawh puiah a sawm nghal bawk.

Popular posts from this blog

PAN CARD an tih teh fo hi - Laldinpuia