Assembly inthlanpui nei turin District hrang hrangah inbuatsaihna chak taka kalpui mek a ni

Mizoram-a Assembly inthlanpui nei turin District hrang hrangah inbuatsaihna kalpui mek a ni.
Assembly inthlanpuia neih tur atan hian nimin khan Aizawl District Election Officer, Dr. A. Muthamma chuan thuthar thehdarhtute kawmin inthlanpui atana inbuatsaihna a sawipui a, Aizawl District-a Assembly Constituency 14-ah Returning Officer 7 leh Asst. Returning Officer 14 an awm dawn tih sawiin, Aizawl District-a Constituency hrang hrangah hian Critical Polling Station 10 a awm thu leh Videography leh Security pawh uluk taka dah an nih tur thu a sawi a. Aizawl District a Polling Station 5 te chu hmeichhia chauh duty a, Security Personnel te pawh hmeichhia vek hman tura ruahmanna siam a ni, a ti. Hei bakah hian DEO chuan tun \umah hian Counting Hall panga (5) awm tura ruahman a nih thu sawiin, chungte chu Pachhunga University College (PUC), Govt. Aizawl College, Hrangbana College, Assembly Annex leh R. Deng\huama Hall te a ni a. Polling Station 50-ah live webcasting a awm ang a, NIT leh NIELIT zirlaite'n webcasting ah hian a vawikhatna atan an pui anga. Electronic Postal Ballot pawh hman a ni ang.
Mamit-ah pawh nimin khan DC Conference Hall-ah District Election Officer, Vanlalngaihsaka hovin Expenditure Monitoring Team te'n Training an nei a, he Training-ah hian Mizoram Legislative Assembly General Election lo awm tur atana mawhphurhna chanvo hrang hrangah inzirtirna neih niin mawhphurhna hrang hrang changtute'n an tihtur \heuh te hlawhchham lova an puitlin theih nan inbuatsaihna leh inzirtirna neih a ni.
Lawngtlai District Election Officer, N. Chakhai MCS chuan a Office Chamber-ah Political Party hruaitute kawmin Mizoram MLA inthlan lo awm tur kaihhnawiha Mizoram chhunga Model Code of Conduct (MCC) puan a nih tak chungchanga hriat tur pawimawhte a hrilhfiah a, rualkhai tak leh inthlei bikna awm lova party tinin campaign an kalpui theih dan tur pawh sawiho a ni bawk a. Nimin vek khan an District-a Flying Squad te tan training buatsaih a ni bawk.
Tun \uma Assembly inthlanpui neih turah hian Candidate pakhat in cheng nuai 20 thleng pawisa hmang theiin Election Officer phalna hmangin Vehicle 3 a hmang thei dawn a. Public place-ah te Banner leh Poster pawh danin phal chin bak lo chu lakthlak zel tur niin Political Party te chuan mimal ramchhungah Poster leh Banner an tar duh a nih chuan, a neitu phalna la hmasa zel tura ngen an ni bawk.

Popular posts from this blog

PAN CARD an tih teh fo hi - Laldinpuia