ZPM in bial 40-ah bial 34 an chuh dawn

Pawl hrang hrang thawkho in an din Zoram Peoples Movement (ZPM) chuan Mizoram MLA inthlanpui lo awm turah bial 34 chuh an tum a, Election symbol tur chu ECI-ah dil an tum.
ZPM Steering Committee Chairman, Upa Lalliansawta chuan MLA candidate turte hi an tifel thawkhat tawh tih a sawi a, an candidate tur chu MLA inthlan puan a nih hnu hian an puang ve mai dawn niin a sawi a.  ZPM-in bial 34 chuh an tum zingah hian Chief Ministerial candidate Lalduhoma chu bial 2- Serchhip leh Aizawl West I bialah te a ding dawn a ni. ZPM Chairman chuan Mizoram chhimlam Lawngtlai leh Siaha District ah chuan candidate hi neih an tum lo niin a sawi.
Symbol chungchanga zawhna chhangin, “Free symbol zinga pakhat chu kan election symbol atan hian kan ruahman a. Thawh\anni (8.10.2018) hian kan dilna hi Election Commission of India-ah thehluh kan tum a ni,” a ti a. MLA-te independent MLA an nih dawn avangin an thunun thei dawn em ni tih a zawhna chhangin ZPM Chairman chuan, “Control theih kan inbeisei,” a ti a. Hemi chungchangah hian dan lam thiamte pawh an rawn niin a sawi. PRISM nena thawhho chungchangah Lalliansawta chuan hmasawnna a awm lo tih sawiin, “Kan inbiak hun hi a tlai deuh hlek a, thil kan lo kalpui thui tawh si a ni,” a ti bawk.

Popular posts from this blog

PAN CARD an tih teh fo hi - Laldinpuia