Plan siam dan tur zirho

Zirtawpni chawhnu khan Serchhip DRDA Conference Hall-ah Serchhip-a sawrkar Department hrang hranga Head of Offices te tan ‘District Level Workshop on Mission Antyodaya/Gram Panchayat Development Plan’ neih a ni.
‘District Level Workshop on Mission Antyodaya/Gram Panchayat Development Plan’ hi Ser-chhip DRDA-a Asst. Project Officer, Rohnuni Colney chuan kaihruaiin Serchhip District a Sawrkar Department (Line Department) hrang hrang ten XI Schedule hnuaiah ‘People Plan Campaign for GPDP/Sabki Yajona Sabka Vikas’ hmanga Plan an siam dan turah Resource Person pathum FC. David Biakthansanga, Assistant Engineer, DRDA Serchhip, Vanlalhruaitluanga Ralte Head Faculty, District Panchayati Raj Resource Centre leh Lalhmachhuana, BDO Serchhip ten zirtirna pein Gram Panchayat Development Plan pawimawhna leh Department tin ten mawh-phurhna an neih te leh an tih tur pawimawh hrang hrangte a lem nen an entir a ni.
Mission Antyodaya/Gram Panchayat Development Plan Campaign programme hnuaiah hian Gram Panchayat tinte chu an khua in ei leh bar ah inkhairual taka hma a sawn theihna tura hmalak nan Development Plan a siam tur a ni a, he GPDP ruahmanna hian a huamzau hle a, Constitution XI Schedule hnuaia subject 29 tarlante khawihtu Line Department/Central Ministry hmalakna pawh a huam vek a ni. Thingtlang tih hmasawnna tura Scheme hrang hrangah hian Panchayat te hi an pawimawh em em a, he People Plan Campaign/Sabki Yajona Sabka Vikas hi Oct. 2, 2018 a\anga Dec. ni 31, 2018 thleng awh tur niin GPDP hian kum 2019-2020 chhung a awh ang.
He Campaign in a tum ber pakhat chu thingtlang mite tana funkim leh ruangam \ha thei ang bera hmasawnna tur ruahmanna siam niin, mipui Rorelna/Gram Sabha tin leh Panchayati Raj Institution leh Sawrkar Line Department te thawhhona tur atana ruahmanna siamte a ni.

Popular posts from this blog

PAN CARD an tih teh fo hi - Laldinpuia