Kolasib-ah zirlai ten lungawilohna lantirin Vote thlakloh thlenga hmalak an tum

Nimin khan MZP Hqrs. Kolasib bultumin Electoral Roll-a Tuikuk thun tumna awm mek duh lovin lungawilohna lantir a ni a, Govt. Kolasib College a\anga kawng zawhin Kolasib DC Office Tual-ah Sit-in-demonstration neih zui a ni.

Sit-in-demonstration neihna hmunah hian MZP Hqrs. Kolasib President, Zosangliana Rokhum chuan Electoral Roll Hearing-a inlan duhlo Electoral Roll-a Tuikuk dahluh tumna awm chu zirlaiten an duhloh vangin an dodal tih a sawi a, a \ul a nih chuan na zawka kal zel pawh an hreh lo tih a sawi.

He huna thusawitu dang MZP Hqrs. Kolasib Adviser, C. Zomuanpuia pawhin Tuikuk te chu anmahni duhthu ngeia Mizoram chhuahsantu an ni tih sawiin, "Kum 1997, October 21-ah Lalzawmliana, Forest Department hnuaia Game Watcher hna thawk mek chu Damparengpui-ah Tuikuk pawl pakhat, Bru National Liberation Front (BNLF) ten an that a, hemi hnu hian anmahni duhthu ngeiin Mizoram chhuahsan turin an mite an hriattir zui a ni," a ti a, kum 21 Mizoram an chhuahsan chhungin Mizote tan a hnawk thei ang berin an khawsa reng a, sawrkar laipui lamah a chhe thei ang bera Mizote hek chungin an lokir lehna turah mipuiten an dodal lo tih a sawi a. Amaherawh chu \um tam tak hruaikir tuma hmalak a ni chungin anmahni lamin an \hulh leh \hin a, ruahmanna hnuhnung ber pawh tunhnaiah a tlawh leh niin a sawi.

Nimin-a lungawilohna lantira kawngzawh leh Sit-in-demonstration neihna ah hian zirlai 300 dawn an pungkhawm a, \hutkhawm an neih zawh hian District Election Officer, Dr. Arun T. IAS awmloh vanga charge la tu Addl DC, Lal\anpuia Hnamte kutah resolution an thehlut bawk a. He an Resolution thehluh-ah hian Electoral Roll Hearing neihna a inlan duhlo Tuikuk te Tripura a zuk kalchilh chu engtiklai maha rem an tih ngailoh thu te, Mizoram mi leh sa ni duhlo Central a a chhe thei ang ber a min hek \hintu techui Mizoram mi leh sa ah an pawm theih loh thu te, Mizoram tibuaitu mikhual te lakah Mizo mipui te \angho zel tura an sawm thu leh hetiang mite dodal tur hian MZP chuan ke a pen zel dawn thu bakah tuna an hmalakna te hian awmzia a neih loh chuan Kolasib District a Zirlai ten vote an thlak loh tur thu te an tarlang bawk.