Monday, 8 October 2018

Serchhip-ah kawng zawh dawn

Central YMA chuan Dan lova din Chakma Autonomous District Council (CADC) chu Dan anga \hiah a nih theih nan hma la zelin tunkar Nilaini hian Mizoram hmun hrang hrangah kawng-zawh neih nise an ti a. He kawngzawh hi Ser-chhip-ah pawh neih tura ruahman a ni.
Nikum-a YMA General Conference vawi 71-na in Dan lova din Chakma Autonomous District Council chu Dan anga \hiah a nih theih nana hmalak a rel angin Central YMA chuan hma a la zui zel a, Dan lama mithiamte rawn chung leh Document mamawh ang angte Parliament Library a lehkhabu mamawh ang tur chi thlenga dap khawmin hmalakna hrang hrang zinga member nawlpui leh Mizo hnam anga kan \anhona leh inlungrualna lantirna pakhat atan tun thla ni 10, tunkar Nilaini hian Mizoram hmun hrang hrangah kawngzawh nise an ti a ni.
He kawngzawh hi Serchhip khawpui ah pawh Serchhip Sub-Hqrs. YMA huaihawta neih tur niin hemi chungchang hi Inrinni khan Sub-Hqrs. YMA Executive Committee (SEC) \hukhawm chuan an rel a, ruahmanna an siam ang chuan kawngzawh hi Nilaini chawhnu dar 2:30-ah Leisekawt Mual a\anga Serchhip Bazar thleng neih a ni dawn a, YMA Member leh a thei apiangte tel turin an sawm a ni. He kawng-zawh bul \anna hunah hian Sub-Hqrs. YMA Vice President, Lalzuiliana chuan hun hmangin AOC Kawn-ah Sub-Hqrs. YMA Secretary, Lal-rammawia chuan thu a sawi leh anga, a kharna hun Serchhip Bazar-a neih turah Sub-Hqrs. YMA President, R. Sanghmingthanga chuan thu a sawi bawk ang.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...