Mizoram-ah NPP din a ni

Meghalaya hmunpui nei India hmarchhaka inzarpharh mek National People's Party (NPP) chu Mizoram-ah din a ni a. Inrinni khan NPP National President leh Meghalaya Chief Minister ni bawk Pu Conrad Sangma chuan Aijal Club-ah NPP din a nih thu hi a puang a ni.
Mizo-ram-a NPP dinna puala inkhawm ah hian Conrad Sangma chuan  India rama tlangmi vbc. 10 vel awmte chuan ramchhungah dinhmun sang leh pawimawhna an phu tawk ang an hmu lo tih sawiin, NPP chuan hmarchhak tlangmi te'n inlungrual taka 'aw' an neih theihna tur te, dikna leh chanvo a neih te chu zam miah lova huaisen taka beiha, tlangmite tan engkawng pawha an aiawha din a nih thu a sawi a. “NPP hi \halaite tana ding a ni a, \halaite hi reservation piah lam thlenga dinhmun \ha an chan theih nan kan bei zel dawn a ni,” a ti.
Conrad Sangma chuan Mizoram inthlanpuiah a tam thei ang ber candidate siam an tum thu leh sawrkar-ah tel ve ngei an tum thu sawiin, an tum ber erawh a nih loh thu leh politics rawn khelh chu an tum ber a nih loh thu a sawi a. An tum ber chu mipuite rawngbawlsak a ni tih sawiin, Inthlan lo awm turah hian mipui ten vote hmangin kalphung thar an thlak ngei a beisei thu a sawi bawk a. Inthlanpui ah mal din an tum thu pawh sawiin, BJP nena thawkdun anga ngaihna awm \hin chungchangah, NPP chuan party thu ken hran a neih chu an kalpui zel tih a sawi a, hmarchhak bial mipuite thil pawm dan leh ngaihdan chu dah hmasak zel a nih thu sawiin, NPP candidate tur chu  ngaihtuah mek a nih thu leh hun reilote ah puanzar an ni dawn tih a sawi bawk.
He hunah hian NPP Vice President Phunzathang Tonsing leh Meghalaya Home Minister leh NPP thupuangtu ni bawk, James Sangma te pawhin thu an sawi a, MLA R. Lalzirliana leh Lalrinliana Sailo te nen inbiakna an neih tawh thu leh thil awmdan an ngaihchan mek thu te pawh an sawi bawk.

Popular posts from this blog

PAN CARD an tih teh fo hi - Laldinpuia