Tuesday, 9 October 2018

Pol. Party ten zirhona nei

Nimin khan Serchhip DC Conference Hall ah Sangchhin Chinzah, District Election Officer hovin Political Party hrang hrang aiawh ten Election Model Code of Conduct leh Election Expenditure Monitoring chungchang an zirho a. Election Expenditure Rate Chart bituk chungchang sawi hovin, an pawm nghal.
He hunah hian District Election Officer, Sangchhin Chinzah chuan inthlanna felfai leh thianghlim tak a awm theih nan Political Party te chu thawhpuiah a sawm a. Inthlanna ah tumah duhsak bik awmlo leh mihausa leh retheite pawh angkhata an awm theihna tur dan kan nei hi a lawmawm a, kan zawm tlan \heuh atan a \ha a ni, a ti a. Dan zawm lotute chunga hremna chu a nat tawk thu leh a pawi theihzia sawiin, \ha taka dan zawm chunga inthlanna neih tum turin Party tinte hi a sawm a ni.
He hunah hian Pinky Zosangpuii, SDO (C) Thenzawl chuan Election Model Code of Conduct chungchangah zirtirna a pe a, R. Van-rengpuia, SDO (S) chuan Election Expenditure Monitoring chungchangah zirtirna pe in, Election Expenditure Chart an duan chu a pharh a, sawiho a nih hnuah pawm a ni a. Chuauhnuna, Addl. DC leh K. Saitluanga, DIPRO te pawhin MCC leh MCMC chungchanga hriattur pawimawhte an sawi bawk a. Kalkhawmte a\angin zawhna leh sawihona hun hman a ni bawk a ni.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...