Faina Hapta kharna nei

Nimin khan Mizoram khawpui hrang hrang ah Faina Hapta kharna hun hman a ni a,
Aizawl ah chuan AMC Auditorium-ah he Hapta kharna hun hi hman niin UD&PA Director, Joseph H. Lalramsanga chuan khuallian niin a hmanpui a, "Faina hi kumtluana kenkawh tur a ni a, Aizawl khawpui hi fai viau tawh mah se \anlakna tur tam tak kan la nei a ni," a ti. Faina Hapta puala Veng fai thlanna neih ah Republic Vengthlang chuan lawmman pakhatna an dawng a, Laipui-tlang leh Mission Vengthlang ten an dawt a, Veng fai ber hian Rs. 1,00,000/- dawngin pahnihna in Rs. 70,000/- leh pathumna in Rs. 50,000/- an dawng a. Governor's Secretariat chuan Office fai ber lawmman dawngin Fire & Emergency Services in pahnihna leh Mizoram Pollution Control Board in pathumna an dawng bawk.
Siaha-ah chuan Faina Hapta-ah hian Veng fai ber lawmman chu Council Vaih in an dawng a, District Research Officer (DRO) chuan office fai ber lawmman an dawng a. Champhai ah chuan Veng fai ber lawmman chu Hmunhmel\ha in dawngin Champhai District Court chu Office fai berah thlan a ni bawk. Lunglei-ah chuan Sethlun chuan Veng fai ber lawmman dawngin Assistant Registrar, Cooperative Society (ARCS) Office chu Office fai berah thlan a ni bawk.
Mamit-ah chuan Chhim Veng YMA Hall-ah Faina Hapta kharna hun hi hman niin Chhim Veng VC in Veng fai ber lawmman an dawng a, Lawngtlai-ah chuan Lawngtlai DC Conference Hall-ah Faina Hapta kharna hi hmangin zirna In leh Hotel fai thlanchhuah te hnenah lawmman sem a ni bawk.
Kolasib-ah pawh Faina Hapta kharna hun hi hman niin Swachh Survekshan Gramin hnuaia khaw fai thlanchhuah te hnenah lawmman hlan neih a ni a, khaw fai berah North Hlimen chu thlan niin Phainuam leh Saiphai ten an dawt bawk a. Thenzawl Zawlnuam leh Khawzawl-ah pawh Faina Hapta kharna hi hman a ni bawk.

Popular posts from this blog

PAN CARD an tih teh fo hi - Laldinpuia