Friday, 12 October 2018

Congress Party in MLA Candidate tur puangin Serchhip bial-ah Lal Thanhawla a ding dawn

Mizoram Pradesh Congress Committee (MPCC) chuan Assembly inthlanpui neih tura an Party Candidate turte nimin khan puangin Serchhip bial-ah an President, Lal Thanhawla a ding ang.
MPCC hian nimin khan Lal Thanhawla Auditorium, Aizawl-ah MLA inthlanpuia an Candidate turte hi puangin bial 40 zinga bial 36-a ding turte an puang a, Bial 4-a Candidate la puan loh hi Siaha District a bial hnih - Siaha leh Palak bial te, Lunglei District chhung ami West Tuipui (Tlabung bial \hin) leh Lawngtlai District ami Tuichawng (Chawngte bial \hin) te an ni. Tun \uma MPCC Candidate puan-ah hian MLA nilai 7- R. Romawia (Aizawl N-I), Dy. Speaker Lalrinawma (Aizawl East-I), PC. Zoram Sangliana (Kolasib), JH. Ro\huama (Champhai South), S. Laldingliana (Lunglei N), Lalrinmawia Ralte (Hachhek) leh K. Lalrinthanga (Serlui) te chu an ding tawh dawnlo niin a lang a, an Party President, Lal Thanhawla chu a bial ngai Serchhip bakah Champhai South-ah a ding dawn a, MLA nilai, Dr. Ngurdingliana chu Chalfilh-ah ding tawh lovin Kolasib-ah a ding thung anga. Tuikum Bial-a Sangzela Tlau dingin Hrangturzo bial-ah MLA nilai, Vanlalawmpuii Chawngthu chu a ding leh dawn bawk a ni.
MLA Candidate turte puanchhuahna hunah hian MPCC President, Lal Thanhawla chuan an party in-a MLA candidate tura an puante chu an duhzawng lo deuh anih pawhin hmasawnna hmachhawp tam tak tihhlawhtlin ngai an la neih avangin lawm taka pawm tura chahin, vote tling ngei turin party mipuite a sawm a. Lal Thanhawla chuan NLUP a hlawltlin avangin Kohhran thawhlawm pawh a pung nia sawiin, party \henkhat ten sawrkar laipuiah Prime Minister hnenah an hek hnu h pawh Court-ah te kalin an bei zel a, amaherawh chu chunglam programme anih avangin an khing hneh lo a ni, a ti bawk. MPCC President chuan District pek chu politics khelh nan hman chi ah angaihloh thu a sawi bawk. Nimin Congresss party in an Candidate tur mi 36 an puan zingah hian mithar 12 an awm a, a bak zawng chu Sitting MLA niin Candidate zingah kum 40 hnuailam mi 4 an awm a, kum 71 chunglam mi 5 an awm bawk a, candidate zawng zawng te kum hi chawhrualin kum 57-a upa an ni. MLA inthlanpui neih tura Congress Candidate turte :
1-Hachhek - Lalrindika Ralte
2-Dampa - VL. Robiaka
3- Mamit - John Rotluangliana
4- Tuirial - Joseph L. Ralte
5-Kolasib - Dr. H. Ngurdingliana
6-Serlui - Lalhmachhuana
7-Tuivawl - RL. Pianmawia
8-Chalfilh - LT. Hrangchal
9-|awi - Rosiamngheta
10-Aizawl North-I - C. Lalhlimpuia
11-Aizawl North-II - H. Liansailova
12-Aizawl North-III - Lal Thanzara
13-Aizawl East-I - K. Vanlalrawna
14-Aizawl East-II - Lalsawta
15-Aizawl West-I - PC. Laltlansanga
16-Aizawl West-II - Dr. Lalmalsawma Nghaka
17-Aizawl West-III - Dr. CT. Tluanga
18-Aizawl South-I - R. Vanlalvena
19-Aizawl South-II - Lt. Col. ZS. Zuala
20-Aizawl South-III - KS. Thanga
21-Lengteng - H. Rohluna
22-Tuichang James Thanghmingmawia
23-Champhai North - TT. Zothansanga
24-Champhai South - Lal Thanhawla
25-East Tuipui - T. Sangkunga
26-Serchhip - Lal Thanhawla
27-Tuikum - Sangzela Tlau
28-Hrangturzo - Vanlalawmpuii Chawngthu 
29-South Tuipui - John Siamkunga
30-Lunglei North - PC Lalthanliana
31-Lunglei East - Joseph Lalhimpuia
32-Lunglei West - Chalrosanga
33-Lunglei South - Lalnunthara
34-Thorang - Zodintluanga
37-Lawngtlai West - C. Ngunlianchunga
38- Lawngtlai East - H. Zothangliana
** West Tuipui, Tuichawng, Siaha leh Palak bial te puan ala nilo thung.

Latest News

Central YMA Inthlan thuchah

CENTRAL YOUNG MIZO ASSOCIATION MIZORAM : AIZAWL INTHLAN THUCHAH 2018