Larsap in Seminar hmanpui

Mizoram Larsap, Kummanam Rajasekharan chuan Mizoram University-a Mizo Department, Mizo Academy of Letters (MAL), Govt. Saitual College leh Saitual Literature Club buatsaih ni 2 awh  'International Seminar Commemorating the Birth Centenary of L. Biakliana' chu nimin a ni 2-na Govt. Saitual College-a neih a hmanpui a,

he hunah hian Larsap chuan L.Biakliana thu ziah hrang hrangte leh pawimawhnate tarlangin, thuziak mite chu khawtlang leh ram inkhaih-hruai nana an ngaihtuahna leh finna hlu tak hlantu te an ni, a ti a, mithiam hmasate thuziak hnutchhiah \ha tak tak avang hian kan hnam ziarang leh kan piputen hun an lo hman dan \hin hrang hrangte kan hriat phah ti pawh sawiin, hei hi kan hnam humhalhna kawng atan a \angkai hle a ni, a ti bawk.

He hunah hian Khual zahawm Mizoram University Vice Chancellor, Dr. KRS. Sam-basiva Rao pawhin Mizo mipuiten mikhual an dawnsawn dan leh an mikhualte an ngaihsak dan chu ropui a tih thu sawiin, heng Mizo nunze mawi te hi ram pawn miten an hriat zau zel atan a awh thu a sawi a, Mizo \awng chu midangte pawhin awlsawm zawk a an zir zung zung theih nan hma la tura fuihin, he International Seminar hmang hian Mizo ziakmite kutchhuak hrang hrang chu Mizoram pawn hmun hrang hrang thleng phak thei turin duhsakna a hlan bawk.

International Seminar Ni hnihna inkhawm hi Prof. Laltluangliana Khiangte in a kaihruaia, thuziak lama mithiam Mizoram University, ICFAI University, Champhai College, Saitual College, Mizoram Law College leh Myan-mar a\angte in an lo kal a, mi 24 te thuziak chhiar ngaihthlak a ni.

He Seminar hawnna hi niminpiah khan neih ni tawhin Nagaland Governor, PB. Acharya chuan a hawng a, mi 19 te thuziak chu chhiara ngaihthlak a ni bawk.