Chhiahtlang-ah Congress in Campaign hawnna an nei

Nimin khan Tuikum Assembly Constituency Congress Block-I buatsaihin Chhiahtlang ah Election Campaign hawnna leh Political Training neih a ni a, he hun hi Congress MLA, KS. Thanga leh Rajya Sabha MP, Ronald Sapa Tlau te chuan hmanpuiin he biala Congress Candidate, Sangzela Tlau te chuan an hmanpui a ni.

Chhiahtlang Community Hallg-a Election Campaign Kick Off-cum-Political Training hi Block-I Congress Committee-a Joint Secretary, F. Lal-rinnunga chuan kaihruaiin Lalneihkima Varte, Secretary chuan report a pe a, he hunah hian Congress MLA, KS. Thanga chuan Tuikum bial in Candidate \ha tak an nei chu a lawmpui thu sawiin, Congress party Nomination Committee in ngun taka an ngaihtuah hnuah Sangzela Tlau chu an dah tak thu a sawi a. Tuna an MLA nilai mek in a tihtheih tawk aia sang Sangzela Tlau hian a tih theih dawn thu leh Bial hrang hrang a fankualna bakah |awi bial-ah zam na khawp an party chhuahsan an awm loh thu te, Tuichang (Khawzawl) bial-ah pawh an boruak a \ha in an chak an chak ngei a rin thu te leh NLUP chu Agriculture Minister hluiin tawp mai tur anga a sawi chu dawt a ni thu te a sawi bawk.

He hunah hian Rajya Sabha MP, Ronald Sap Tlau pawhin MNF hotute chuan Corruption avangin Falkawn Referal Hospital leh Tuirial HEP an tichhe vek nia sawiin, Mizoram hmasawnna daltu an nih thu a sawi. He hunah hian Tuikum bial-a Congress Candidate tur, Sangzela Tlau pawhin he Bial-a a din chhan te a sawi bawk.

Sangzela Tlau hi nimin khan Chhiahtlang mipui \hahnem takin an khaw kawtchhuah ah lo hmuakin lirthei nen khawlai fanpui a ni a, hemi hnu hian Community Hall-ah hian hun hman zui a ni. Tuikum AC Block-I huamchhung ah hian khaw 10 awmin Congress Unit 17 a awm mek a, he hun hmanah hian Party mipui \hahnem tak an tel a ni.