Mizoram-ah kum 2018 hian BJP in Sawrkar na kan chang ngei dawn - Amit Shah

BJP National President, Amit Shah chuan nimin khan lehlanga Mizoram rawn tlawhin R. Deng\huama Indoor Stadium-ah BJP Booth Conference a neihpui bakah BJP Mizoram State Office a hawng a. Assembly inthlanpui neih turah MNF leh Party dang an thawhpui dawnloh thu a sawi.

R. Deng\huama Indoor Stadium-a BJP Booth Conference-ah hian Amit Shah chuan Mizoram-ah kum 2018 hian BJP in Sawrkar na an chang ngei dawn tih sawiin, Congress Sawrkar chu sum tam tak hmu si in, hmasawnna hnathawh erawh a beitham hle tih a sawi a, Congress Sawrkarna leh Corruption chu thil kalkawp reng nia sawiin, hmasawnna tak tak mipuite ah a thleng phalo niin a sawi. Amit Shah chuan Mizoram-ah BJP an sawrkar chuan hmasawnna tam tak mipuite hnenah an thlensak dawn tih pawh sawiin, “Prime Minister Scheme hrang hrang Scheme 190 pawh Mizo mipui ten in hrelo in a rinawm a, chung Scheme hrang hrang te chu Mizoram-a Congress Sawrkar hian eng Scheme mah hi mipui tan a chawlut duh lo a, a chhan chu BJP leh Pu Modi-a te hi Mizo mipuite hian min hriatchian an hlau a ni,” a ti.

Kumin 2018-a inthlanpui neih turah BJP chu an maldin dawn tih pawh sawiin, MNF emaw Party dang tumah an thawhpui dawn lo tih a sawi a, “Mizo mipuite tan kan ding dawn a, tun inthlan zawhah Kristian te ni pawimawh tak Krismas hi BJP sawrkar thar hnuaiah hlim takin kan hmang dawn a ni,” a ti a. Mizoram mamawh hrang hrang inkalpawhna kawngpui \ha tak siamna turte, Electric hnianghnar Mizoram in kan neih mai bakah State danga thawnchhuak thei tur khawp a siam te, Referal Hospital tihchangtlunna tur te, zin mite hip thei tur Mizoram-ah chi hrang hrang awm te pawh siam an tum thu sawiin, “Kan sawrkar hunah chung chu a takin kan hmu dawn a ni,” a ti bawk.

Nimin a he hun hmanna ah hian MLA a\anga bangta Dr. BD. Chakma chu BJP-ah lawmluh a ni a, BJP Booth Conference hman zawh a nih hnu hian Amit Shah hian Mizoram State BJP Office, Atal Bhawan (Mipui Run) chu hawngin hemi hnu hian Mizoram an chhuahsan leh nghal a ni.