Mizoram Blood Bank hrang hrang zingah Serchhip-ah a thlawna thisen pek tam ber

Kumin sawrkar kum kalmek-a thla ruk (April-September, 2018) chhungin Mizoram-a Blood Bank 10 awmah Thisen Unit 13,991 pek ni tawhin heng zingah Unit 11,794 chu Voluntary Donation a ni a. Blood Bank hrang hrang zingah Serchhip Blood Bank chu thisen pek zawng zawng a\anga chhuta a thlawna thisen pek tamna ber a ni mek.

Association for Voluntary Blood Donation (AVBD) chhinchhiahna a\anga a lan danin kumin sawrkar kum kal mek-a thla 6 chhung hian Mizoram-a Blood Bank 10-a thisen lak zawng zawng hi Unit 13,991 niin heng zinga Voluntary donation 11,794 hi thisen pek zawng zawng a\anga 84.3% a ni a, hemi chhung hian Mizoram pumah Blood Donation Camp \um 230 neih niin heng Camp hrang hrangah hian thisen Unit 9473 lak a ni a, a bak Unit 4158 hi mi tlawmngai ten Blood Bank-a kala an thisen an pek leh Replacement donation a ni thung.
Mizoram-a Blood Bank 10 awm zingah Serchhip Blood Bank chu thisen pek zawng zawng a\anga chhuta a thlawna thisen pek dawng tam ber a ni mek a, Serchip Blood Bank-ah hian kumin sawrkar kum kal meka thla 6 kan hman tawh chhung hian thisen Unit 577 lak niin heng zinga 566 chu Voluntary Donation a ni a, hei hi thisen lak zawng zawng a\anga chhutin 98.09% zet a tling a, hemi chhung hian Blood Donation Camp \um 14 neih a ni tawh bawk a ni. Serchhip District dawta a thlawna thisen dawng tam chu Champhai Blood Bank niin anni hian hemi hun chhung hian thisen Unit 719 dawngin heng zinga Unit 688 chu a thlawna pek a ni a, hei hi thisen pek zawng zawng a\anga chhutin 95.69% a tling phak a ni.
Mizoram-a District hrang hrang zingah Lunglei District Hospital Blood Bank chu a thlawna thisen pek dawng tlem ber la niin sawrkar kum kalmekah hian thisen Unit 1234 an dawn tawh a\angin a thlawnin Unit 854 an dawng a, hei hi thisen an dawn zawng zawng a\anga chhutin 69.21% a ni bawk.
AVBD Serchhip Branch hruaitute chuan tunhnaia Serchhip mipui, a bik takin \halai ten thisen pek an uar mek chu lawmawm an tih thu sawiin, thisen pek zawng zawngte Voluntary Donation ni vek (100% Voluntary Donation) chu an tum ber a nih thu an sawi a. Damlo mamawh ten engtiklai pawha thisen an hman tur Blood Bank-a dah chu a pawimawhna hriaa thisen pek uar zel turin mipuite an sawm bawk.

Popular posts from this blog

PAN CARD an tih teh fo hi - Laldinpuia