Health Minister hlui leh MLA a\anga bangta Lalrinliana Sailo MNF-ah lawmluh a ni

Nimin khan Aizawl-a Mizo Hnam Runah 'Special Programme' hmangin MPCC General Secretary hlui leh MLA a\anga bang ta, Lalrinliana Sailo leh midang \henkhat te MNF-ah lawmluh an ni a. He hunah hian MNF President, Zoramthanga bakah Home Minister a\anga bangta, R. Lalzirliana te pawhin thu an sawi a ni.

Nimin a MNF in mithar an lawmluhna hunah hian MNF President, Zoramthanga chuan Congress Party chu an hotu lian tam takte nen tihdam theih an nih tak loh avangin ICU-ah an zawn lut ta tih sawiin, ICU-a luhpui ve duhlo chuan an chhuahsan ta chum chum tih a sawi a, "A rei ang a, ICU-a lut ve duhlo chhuak hi a pung ruih ruih zel dawn a ni. Kohhran ho, NGO, Sawrkar hnathawk, Zirlai leh mipuite chuan an inzawnlut chu kan thlir \huap ta mai a nih hi. Zoram mipuiin Congress sawrkar chu kan bye bye liam mek ta a ni e," a ti bawk.

He hunah hian MNF-a an lawmluh thar Health Minister hlui, Lalrinliana Sailo chuan Congress Party a chhuahsan hnuah tunge zui tlak awm ang tiin ngaihtuahna an seng nasa tih a sawi a, "MNF party hi Ram leh hnam Development kawngah an sawrkar lai khan hma an la nasa em em a. Tunah Central lamah an thawhpui theih awm an sawrkar takah phei chuan ram leh mipuiin nasa takin hma kan sawn ang tih ringin kan rawn kal a ni," a ti a. "Inthlan an puang ang a, Congress chu pahmei thingkhawn chim angin an chim hem hem mai dawn a, pul hri tlansan ang maiin an tlansan sup sup dawn. An dawn tur ang ang inthlan puan hmaa dawn phawt an duh a, an dawn zawhah Congress chhuahsan tur an tam em em a ni," a ti a. "Congress Minister zingah pawh khuan 'Super Minister hi ka va ning tawh tak' ti an awm nual a ni," a ti bawk.

He hunah hian Home Minister a\anga bang ta, R. Lalzirliana MLA pawhin thusawiin dinhmun zalen taka Congress-in an siam ta chu lawm-awm a tih thu a sawi a, "Kan ram kan hnam hi mihring chakna leh chapona a\ang ringawt chuan kan chawikang dawn lo tih ka hria a. Tuna kan rorel mektute hian Pathian leh Kohhran zahna nei lovin ro an rel mek a ni," a ti a. MLPC Act chungchangah Study Team-te report avangin Zu khap burna dan hman leh an rawt tih sawiin, "Chief Minister hnenah pawh 'ka pu kan zawrh dawn pawhin a \halo a nih chuan kan khap leh mai ang' tiin mipui hnenah kan sawi tho a, 'zahna tur a awm lo' tiin ka sawi a. Mahse, zu zawrh chu kan chhunzawm ta zel tho a nih hi," a ti bawk.